Tablet (dalu-dalu)

Dalu-dalu tablet soroma hulö biskit side-ide

Lafotöi dalu-dalu tablet ma asese la'adogo'ö manö tablet sambua wangerai fa'oya dalu-dalu nifasösö famazökhi irege tobali ia hulö roti biskuit side-ide ma zui hulö holo sanau-nau. No lahaogö wamazökhi fa'ebuania molo'ö fangerai hawa'oya tola la'a ia irege tola döhö wökhö niha. So zi ha tobönö sambua tablet, eluahania fa'oya dalu-dalu bakha ba zi sambua tablet andrö tobönö ba wamadöhö fökhö. Sindruhunia dalu-dalu andrö hulö hamo, ba tola mena labadu niha mato ha'uga sendro tesi hamo andrö. Bahiza tola fabö'ö-bö'ö hawa'oya lasendro ia, andrö wa abölö fagöna wangerai fa'oyania na no lafasösö ia tobali sambua tablet.

Baero döi tablet, asese göi lafotöi dalu-dalu simane pil. Fehede pil tehalö moroi ba li Latin "pilula".^[1]

No labörötaigö niha wangoguna'ö dalu-dalu tablet i'otarai 1500 fakhe föna wa'atumbu Keriso.^[1] Lö aoha khö niha wanölö tablet andre. Andrö ba ginötö ngahönö fakhe aefa wa'atumbu Keriso labörötaigö niha wonönö hamo zinumbua same'e ena'ö aelo ia na latölö niha. Furi hö me ngaotu ndröfia si-19 lasöndra niha nifotöi "gelatin" nifa'osi ba guli tablet same'e abölö aoha wanölö ya'ia.^[1]

Me 1843 ifazökhi sambua mesin William Brockedon moroi ba Inggris si tola mamasösö hamo dalu-dalu irege tobali ide-ide ia ba aoha wanölö ya'ia, simane tablet ma pil ni'ilada ma'ökhö.^[2]

Umbu

↑ ^1,0 ^1,1 ^1,2 Mestel, Rosie (2002-03-25). "The Colourful History of Pills Can Fill Many a Tablet". Los Angeles Times. Arsip moroi versi asli irugi 2015-09-19.
↑ "Inventor of the Compressed Tablet: William Brockedon". The Chemist and Druggist. August 1954. Arsip moroi versi asli irugi 2016-05-14.

[latimes-1] 1,0 ^1,1 ^1,2 Mestel, Rosie (2002-03-25). "The Colourful History of Pills Can Fill Many a Tablet". Los Angeles Times. Arsip moroi versi asli irugi 2015-09-19.

[2] "Inventor of the Compressed Tablet: William Brockedon". The Chemist and Druggist. August 1954. Arsip moroi versi asli irugi 2016-05-14.

[1]

[2]