Tögi ndrawa

Tögi ndrawa, na la fo'eluaha moroi ba ngawua wehede nia, so dombua fehede. Tögi ya'ia da'ö, tola la wa'ö : lubang, gua, aefa da'ö so ngawua wehede ndrawa, si tola la fo'eluaha; orang asing, na la forodugö dombua ngawua wehede, "Tögi ndrawa" eluahania "Gua orang asing". Hiza, töi da'a tenga ba wo fo'eluaha simane da'ö. Tögi ndrawa, sambua döi dögi si so ba Tanö Niha, fetaro ba mbanua Lölöwönu Niko'otanö, sifarahu ba Kecamatan Gunungsitoli, ba no ato zino mangila me no tobali naha wanörö da'a, ba tenga hada'ö, no ato zi no mame'e inötönia, ba wamareso, hadia manö zalua ba naha da'ö. Ba molo'ö si no lafareso, wa no ara naha da'ö, no ba zi ha'uga ngahönö fetaro nia. Me no sambua naha wanörö-nörö ba niha si so ba mbanua Gunungsitoli, ba hegöi si onarai ba danö saröu moroi sisa, si no mamondrongo hikaya "Dögi Ndrawa" andre. Börö da'ö, andrö wa no la odödögö ira samatörö ba Gunungsitoli sitobali naha simöi famarou niha we'amöi ba Gunungsitoli. Samatörö ma Famareta si so ba Gunungsitoli la halö wahasara dödö faoma ira niha mbanua, ena'ö sisambua zöndra ira ba wodou'ö ira simöi manörö ba Danö Niha, ba la be'e ginötöra ba we'amöi ba Dögi Ndrawa.

Molo'ö si no la fareso ya'ira sangalui hewisa waö-waö we'aso dögi ndrawa andre, no lasöndra lahe wa no irai so niha sangiagö nahia andre ba zi 12.000 fakhe si lalö. Hiza famareta Gunungsitoli, no la fahatö he sokhö tanö ba wangahaogö nahia andre si tobali ondröita ba tola möi tuho duria ma famahaö ba niha sato.

Fetaronia (Kordinat): 47 N343652.48 E141820