Solo (fakake)

Solo no sambua fakake ni'oguna'ö tobali sulu ba wofanö ba zibongi. Lafazökhi ia moroi ba lewuö nifo'ösi faoma fanikha tanö. Lazozo mbalönia faoma sawu ma zui nukha-nukha sanaha hola-hola galitö na mutunu ia. Asese la'oguna'ö ia meföna ba Danö Niha fatua lö nasa so sete, nifohola faoma batere.

• 
  Solo ni'oguna'ö ba gowasa Lewes Bonfire Night ba Inggris
• 
  Solo nifehola faoma hanu-hanu (niwuwusi), ni'oguna'ö ba wae'atasa nifotöi sirkus
• 
  Famanörö solo Olimpiade me 1996

Oya la'oguna'ö solo niha ba mbanua bö'ö ba gulidanö. So la'oguna'ö ia tobali haga ma zui ba wanunu hadia ia. Mendruamanö la'oguna'ö göi ia ba gowasa fa'alowalangi (li Indonesia: upacara keagamaan) ba so göi ba wondrörö niha (li Indonesia: pertunjukkan). So zangoguna'ö fanikha ba wame'e ena'ö lö aetu muhola ia ba so göi zangoguna'ö lili. Oya la'oguna'ö ia tobali tandra haga awö tandra dötönafö. So sambua solo si tehöngö ba gulidanö ba New York, nifasa ba danga Nadu Liberty. Solo andre tobali tandra dötönafö niha sikoli sanaŵa tanö Amerika Serikat. Bahiza solo fondrege tehöngö ba gulidanö ya'ia solo ni'oguna'ö ba wae'atasa sebua Famaisa Olimpiade nifalua ero öfa fakhe. Lö mamalö muhola solo andre i'otarai labörögö wae'atasa Olimpiade modern me 1896.