Soera Wombaso

Uli mbuku ni'oguna'ö ba wamahaö Li Niha ba ndraono me föna

Soera Wombaso no töi ngawalö mbuku ni'oguna'ö ba wamahaö Li Niha ba ndraono me föna. Soera Wombaso si 6 buku andre no nifa'anö ndra H. Lagemann ba Marah Alam, ba muraka ia ba ndröfi 1907 (?) ba 's-Gravenhage, Belanda.

Ba ginötö si otu fakhe föna ba itaria fabö'ö ngawua wehede ni'oguna'ö niha. Duma-dumania bakha ba wehede wamasao mbuku wamahaö andre isura H. Lagemann wa buku andre no "Soera ba wamakao iraono ba wombaso, awö ba wanoera". Bakha ba zi 6 mbuku andre lafomaha ira iraono ngawalö dandra wanura awö döi-töi zauri ba danö (he sinanö ba he urifö) awö ngawalö gama-gama si so ba wa'auri si ero ma'ökhö.

Ösinia

Amaosata I

E'e; I'a; Asi; Aso; Sara; Mao; Owo; Asu; Lima; Ba'e; Fulu; Hao; Baŵa; Bawi; Faku; Kudo; Gaga; Te'u; Böhö; Fayo.

Amaosata II

Mamahaö ngawua wehede si dua ngaroto li si so mb (nambi, tambu, ambö, mbumbu, btn.), z (gaza, nuza, zui, zuzu, btn.), ndr (fandru, tandru, undru, btn.).

Amaosata III

Mamahaö ngawua wehede si so ng (tenga, tunga, langu, bango, btn.) faoma kh (sukhu, akhi, sikhi, khawi, btn.) awö ngawua wehede si tölu ngaroto li (kurusi, kureta, btn.).

Amaosata IV

Mamahaö ngawua wehede si öfa ngaroto li (biri-biri, btn.) awö goi-goi wanura hurufo sebua (ba mbuku andrö laŵa'ö tandra zura sebua).

Amaosata V

Mamahaö ba wama'anö huho side-ide awö gamaedola ba dahö-dahö.

Amaosata VI

Mamahaö ba wama'anö manö-manö ba amaedola.