Silölö

Silölö ma Sintrong
Sintrong, Crassocephalum crepidioides Darmaga, Bogor
Klasifikasi ilmiah
Kingdom:	Plantae
(unranked):	Angiospermae
(unranked):	Eudikotil
(unranked):	Asteridae
Order:	Asterales
Famili:	Asteraceae
Bangsa:	Senecioneae
Genus:	Crassocephalum
Spesies:	C. crepidioides
Nama binomial
Crassocephalum crepidioides (Benth.) S. Moore
Sinonim
Daftar sumber: Erecthites hieraciifolia [L.] Raf. ex DC. Gynura crepidioides Benth Senecio hieraciifolia L.

Silölö (Li Latin Crassocephalum crepidioides, Li Indonesia sintrong) no sambua ngawalö ndru'u (Li Indonesia gulma) zasese tumbu ba nowi sabe'e tanö ba mbalö wakhalö, itaria tumbu ia ba golayama, ba ba zinga lala. Töla nia hulö döla höwa, bowonia baga sibai hulö dorofe owuge'e a'usö ba oroyo-royo mbalö, ba na no atua tobali bua oköli muhokha hulö gafasi aefa i'oloi'ö angi mozawili misa ba danö. Nano fatöfa ia ba danö ba molöndru, tumbu nono silölö sibohou. Bulunia sawuyu tola tobali diwo sami. Na ta'a mbulu Silölö tola tobali dalu-dalu famadöhö gukhu, sabe'e talu, boyo, sofa'aukhu, sililö, ba fowaöri mboto, ba tanöbö'önia.

Lala wangasosoi'ö

Tahalö mbulu silölö sawuyu batola göi mufaogö wokete mbadö-badönia, tahaogö wonga'öröi sifao famangewe enaö atoru naso zifao khönia gukuö, aefada'ö tasasai ba nidanö sangele (li Indonesia air mengalir), awena ta'asosoi'ö: Tola mubinögö, lagule, latumi, ba mazui labe'e ba zuzu wakhe sauku na siso ba mbowoa.