Ruben Enaje
| Ruben Enaje | |
|---|---|
 Enaje (kambölö) | |
| Tumbu | 1960 ma zui 1961[1] San Fernando, Pampanga, Filipina |
| Soi | Filipina |
| Halöŵö | Tuka geu ba tuka semen |
| Tehöngö ia börö | Itehegö laforöfa ia ero röfi ba Luo Zumaha Sebua ba luo wanörötödö famoröfa ba fa'amate Yesu |
Ruben Enaje no samösa tuka geu ba samazökhi fafa gangombakhata moroi ba Filipina[2], ba föna da'ö tuka semen. Tehöngö ia börö me no 35 kali laforöfa ia irugi ndröfi 2024.[3][4][5] No teforöfa ia ero röfi ero luo Zumaha Sebua i'otarai me döfi 1986, ha i'otarai 2020 irugi 2022 lö lafalua wamoröfa börö pandemi COVID-19.[6][7] Ba ndröfi 2024, teforöfa ia ba zi-35 kali.[8]
Böröta
[bulö'ö | bulö’ö kode]Samuza ma'ökhö alua zikho khö Enaje me atoru ia tou moroi ba domosa si lö nasa awai ba Tarlac, ba ba zahöli-höli tödö lö mate ia.[9] Aefa itörö zikho andre omasi ia i'andrö saohagölö khö Zo'aya me no i'orifi ia. Börö da'ö fao fa'ahele dödö fao ia ba upacara wamoröfa nifalua ero röfi ba luo Zumaha Sebua, si no tobali sambua to'ölöŵa ba Gereja ba Filipina ba wanörötödö wa'amate Yesu.[10] Ba mböröta edöna ifalua da'a ha siŵa fakhe wa'ara, i'otarai alua khönia zikho andrö, bahiza itohugö zui siŵa fakhe aefa da'ö ba wangandrö ena'ö döhö nononia alawe moroi ba wökhö hanu-hanu (li Indonesia: asma) ba siŵa fakhe tö zui aefa da'ö ba wangandrö ena'ö owaöri wo'omonia.[1]
Famoröfa
[bulö'ö | bulö’ö kode]
Teforöfa Enaje si föföna sibai me 1986. No ifabu'u khö Lowalangi wa edöna itörö wamoröfa 27 kali, ba afönu 27 kali ia me 2013.[11] Bahiza itohugö manö wamoröfa andre aefa da'ö, börö me lö sangali ya'ia tobali niforöfa ero luo Zumaha Sebua. Me 2016 ifasömba'ö wamoröfania si-30 khö ndra niha ba Belgia, heza wamamoka bom me luo da'ö nifakhawi ndra teroris, ba ba khö ndra niha ba Filipina ena'ö tefalua pemilu ba zi lö hadia ia.[12]
Me 2019, ifuli i'andrö Enaje ena'ö so niha bö'ö sangali ya'ia ba wamoröfa, me no afönu 33 fakhe wa'ara teforöfa ia (33 fakhe göi ndröfi Yesu ba gulidanö).[13] Me 2023 tetohugö teforöfa ia ba zi-34 kali,[14] aefa tebatogö wamoröfa i'otarai me 2020 irugi 2023 börö pandemi COVID-19. Iŵa'ö wa da'a sa'ae gafuriata wamoröfa khönia.[1] Bahiza, teforöfa zui ia ba zi-35 kali me 2024, ba ifasömba'ö wamoröfa andre, ena'ö so wa'atulö ba gulidanö, mendruamanö ena'ö tebato wasuwöta ba Ukraina, Gaza ba fatuwusa ba Laut Cina Selatan.[15][16]
Umbu
[bulö'ö | bulö’ö kode]- 1 2 3 Orejas, Tonette (March 16, 2023). "PH's longest-serving 'Kristo' plans to end Lenten vow". Philippine Daily Inquirer. Mufaigi me March 17, 2023.
- ↑ Jaime Uribarri (April 22, 2011). "Christians in Philippines celebrate Good Friday by recreating crucifixion of Jesus". New York Daily News. Mufaigi me June 17, 2012.
- ↑ Orejas, Tonette (March 25, 2016). "15 crucified on Good Friday in Pampanga". Philippine Daily Inquirer. Mufaigi me March 25, 2016.
- ↑ "No more pain for Philippine devotee nailed to cross for 32nd time". Reuters. March 30, 2018. Mufaigi me March 31, 2018.
- ↑ Gomez, Jim (April 7, 2023). "Filipinos nailed to crosses despite church objection". Associated Press.
- ↑ Cal, Ben (April 13, 2022). "Filipino penitent cancels 'crucifixion' anew due to Covid-19". Philippine News Agency (ba li Inggris). Mufaigi me May 4, 2022.
- ↑ Portugal, Adrian (March 29, 2024). "Philippines' Catholic devotees nailed to crosses to re-enact crucifixion". Reuters. Mufaigi me March 29, 2024.
- ↑ "A Filipino villager is nailed to a cross for the 35th time on Good Friday to pray for world peace". AP News (ba li Inggris). 2024-03-29. Mufaigi me 2024-04-01.
- ↑ Crucifixion re-enactment is annual Good Friday rite in Philippines AP. Retrieved June 17, 2012.
- ↑ Hodari. "Suffered 22 times more than Jesus ever did". Oddee.com. Arsip moroi versi asli irugi May 23, 2012. Mufaigi me June 17, 2012.
- ↑ "Only one more year to go for Ruben Enaje with his real crucifixions". Demotix. Arsip moroi versi asli irugi April 30, 2015. Mufaigi me June 17, 2012.
- ↑ "Filipino nailed to cross prays for Belgium, PH". Manila Bulletin. March 25, 2016. Mufaigi me March 25, 2016.
- ↑ "Every year a Filipino man marks Good Friday with an actual crucifixion. He just did it for the 33rd time". CNN. April 19, 2019. Mufaigi me April 19, 2019.
- ↑ Gomez, Jim (April 7, 2023). "Filipinos nailed to crosses despite church objection". Associated Press.
- ↑ Gomez, Jim (March 29, 2024). "Filipino man to be nailed to a cross for the 35th time on Good Friday to pray for world peace". Associated Press.
- ↑ Ord, Ian (2014-03-29). "Ruben Enaje: The annual live crucifixion in the Philippines in 2024". Where Sidewalks End (ba li Inggris). Mufaigi me 2024-03-29.