Rago

Moroi ba Wikipedia
Ae ba navigasi Ae ba wangalui

Rago bola nihaogö moroi ba nue, ni'oguna'ö ba wamaisa farago (faoma tanga) ma zui faoma ahe da'ö nitötöi ba li Indonesia, ya'ia da'ö; Sepak takraw. Ba Danö Niha, rago tenga sawena, ya'ia da'ö no ara la'ila niha wamaisa da'a, ba ofeta ma'ökhö, tesöndra ba Danö Niha, heŵa'ae tenga simane fa'omasi niha ba bola voli faoma bola kaki. Rago andre, na molo'ö hewisa wamalua famaisania, no hulö famorudu bola kaki ba bola voli ma ba li Indonesia lamane campuran dari sepak bola dan bola voli, tefalua wamaisa rago andre ba danölafa mbu manu, hiza si farago tebai göna danga bola. Fahulösa (kejuaraan) si no irai tefalua ya'ia da'ö King's Cup World Championships, safuria tefalua ba Bangkok, Thailand. Farago andre, tefa'aso moroi ba Asia Tenggara. Ba Indonesia faoma Malaysia, rago andre la'ila ia faoma töi Sepak Raga. Bola tehaogö moroi ba nue nilalau.

Waö-waö (Sejarah)[bulö'ö | bulö’ö kode]

Famaisa bola nitötöi "Menjaga bola di atas tanah", ba Banda, 1601. Bola tehaogö moroi ba döla zinanö ni bila'ö.

Waö-waö rago andre, börötania tefa'aso moroi ba Asia Tenggara ni'ohe niha Tiongkok nifarou dödönia ba wamaigi famaisa tradisional, cuju. Famaisa zi hulö rago andre ba Myanmar latötöi faoma töi chinlone, famaisa tradisional si no 1500 fakhe fa'ara.

Waö-waö sifakhai ba rago andre tesura göi ia ba sejarah Melayu ba no latandraigö farago andre i'otarai ba ginötö Kesultanan Melayu Melaka. Bakha ba Sulalatus Salatin so ba da'ö la turiaigö Raja Muhammad, ono Sultan Mansor Shah Muhammad, si no irai alau ba wamaisa rago andre göna khönia rago nitifa Tun Besar. Ba ginötö wamatörö Sultan Mansur Shah Ibni Almarhum Sultan Muzzaffar Shah (1459—1477), samösa nononia matua sotöi Raja Ahmad no latibo'ö ia börö me no ibunu nono Bendahara ha börö-börö watötöisa me lalau farago.

Ba Thailand (mböröta Siam), so gohe-gohe wa niha Thailand no ara lafalua wamaisa rago, i'otarai ba ginötö Kerajaan Ayutthaya.

Ba Indonesia, rago asese göi latötöi ia Sepak Takraw ma Sepak Raga ba oi fabö'ö wanötöi ba mbanua bö'ö. Na ba Sulawesi, farago ba Bugis latötöi faoma "Raga" (niha sifamai lakaoni faoma "Pa'Raga"). Hiza ba zisambua orudua, ba la owulo-wulo'ö wetarora ba danölafa, ba lafa'ema bola faoma ahe. Oya lala ena'ö so wa'amöna, la tifa rago, ba tola latema faoma högö, ba fanifa sabölö-bölö faoma ahe zihulö simesi.

Ba ndröfi si 1940-a ba tedou wangahaogö fo'aturai lala wamaisa rago andre, ya'ia da'ö mangoguna'ö u'ö ba la'erai mbua faoma numero. Ba Filipina farago andre latötöi faoma fehede; sipa, ba Laos lakaoni faoma maradong, ba ba Thailand lamane takraw.

Fo'aturai (Peraturan)[bulö'ö | bulö’ö kode]

Lala wo'aturai farago andre arakhagö fagölö ira bola voli hiza fa'afabö'önia hu lö ha simane ba da'a tou;

  1. Si farago tebai lahalö rago faoma tanga.
  2. Si farago ha 3 kali fatete tola göna dangania rago.
  3. Naha zifamai lö tewu'a.
  4. Fa'oya mbua ero sakali famai 21, fabö'ö ira na fa'oya mbua faoma 20-20, fotatugöi zimöna ya'ia da'ö na otalua mbua dombua, ba hiza tebato ma möna ia na no irugi 25 mbuania, da'a sito'ölönia, ifatunö sangerai bua ma wasit.
  5. Na faoma atö no irai möna 1:1, ba latohugö faoma famaisa ni tötöi “Tie Break” ni'erai bua ha irugi 15, fabö'ö na faoma irugi bua ba zi 14-14, simöna latatugöi moroi ba wa'atohude dua mbuania, möna ofeta ba wangerai 17.

Gambara[bulö'ö | bulö’ö kode]

Khai-khai baero[bulö'ö | bulö’ö kode]


Umbu[bulö'ö | bulö’ö kode]