Nicolaus Copernicus
Nicolaus Copernicus (li Polandia Mikołaj Kopernik; ★ 19 Februari 1473, † 24 Mei 1543) no samösa niha Polandia si tobali ere astronomi, matematika ba ekonomi. Bahiza abölö tehöngö ia börö teori nifa'anönia nifotöi heliosentrisme, sanguŵa'ö wa ifasui luo ulidanö ba tenga ifasui gulidanö luo. Teori andre tobali börö wasöndrata zöndra, börö me luo da'ö faduhu dödö niha wa ulidanö andre no talu mbanua si yaŵa, andrö wa ifasui gulidanö luo.
Tumbu Nicolaus ba mbanua Torun ba danö Polandia ba tebe'e khönia döi resmi Niklas Koppernigk (ma Mikołaj Kopernik ba li Polandia, ni'oguna'ö niha ero ma'ökhö ba mbanua andrö). Awena me ibörötaigö wama'anö sinura ilmiah i'oguna'ö döi Latin Nicolaus Copernicus.