Mewo

Mewo no sambua halöŵö ba wamaigi-maigi ena'ö böi i'a mbua wakhe siliŵi, heŵa'e tenga ha siliŵi zi tola mamakiko fakhe, bahiza aurifö bö'ö göi. Tebörögö mewo niha na no ibörötaigö möi yaŵa lai wakhe ba latohugö irege inötö wamasi. Ba wameta'u fofo lafagamöi zihulö niha-niha nitaru'ö ba gowoto laza. So göi zangoguna'ö kale-kale susu nibe'e bakha ono gara, si murete-rete ero ifaheu ia angi ma zui na ladöni zinali famöbö ya'ia nifotöi houra. Baero da'ö tola lafazökhi waeta moroi ba lewuö niböbö faoma houra. Ero ladöni ia ba mufafaeta waeta irege agata'u wofo ma zui aurifö bö'ö sedöna mamakiko fakhe. Si to'ölönia niha si möi mewo toröi ba nose-ose, moroi ba da'ö idöni-döni houra. So göi zamöbö fuka ba huno lala wehombo ziliŵi irege oi te'u'u ira na lalau moloi.

• 
  Siliŵi somasi-masi wemanga bua wakhe
• 
  Ni'oniha-niha nifasindro ba wameta-meta'u siliŵi ba fofo bö'ö sedöna mamakiko lalai wakhe
• 
  Ose-ose nahia wemewo ba danö Jawa