Magiao

Magiao (Beo Nias)
Magiao yaŵa ba ndraha geu (Beo Nias sedang bertengger).
Klasifikasi ilmiah
Kingdom:	Animalia
Filum:	Chordata
Kelas:	Aves
Order:	Passeriformes
Famili:	Sturnidae
Genus:	Gracula
Spesies:	G. robusta
Nama binomial
Gracula robusta Salvadori, 1887

Magiao, asese laŵa'ö ia göi beo, sambua gurifö so'afi, wofo si no tehöngö ba zi sagörö ulidanö. Hana wa tehöngö?, me no sa'ae ato zo faduhu'ö wa magiao andre, fofo sibaga-baga, sisökhi li, salio sibai onekhe ba wamadumaisi li zasese irongo. Simane ngawua wehede ma sinunö nifaguruö khönia, tola i go'ö wehede ma li zasese nirongonia (Li Indonesia bisa menirukan suara). Börö wa'asökhi li nia ba he bu nia, tebai ni taha wa no ato zangalui fofo andre ba ndru'u ba gatua ba lahalö ba gazuni, la'uri la rorogö ba ba gafuriata oya la famawa ba zogale ni binibini'ö (Li Indonesia diseludupkan) börö me samatörö ba Indonesia no tesura wa Magiao andre no lafaogö ia ba gurifö ni faeri (Li Indonesia yang dilindungi). Ba ginötö safuria andre me no ato zanga'i ya'ia ba lö oya tö zi toröi ba gatua ma ba mbenua, arakhagö ma'ifutö tola taya ma ahori (punah) wofo andre ba danö niha. Simane sino lasura ba gu'ö museum me 2017 wa arakhagö taya, ba lö sa'ae tarongo li nia.

Simanö göi ni sura ba gu'ö ba suaranusantara.com me 10 mbaŵa si 11 döfi si 2017 ni raka Dohu Lase, no owulo moroi ba ndraono sekola, ba famareta so urusi "dinas lingkungan hidup", ba ira satua mbanua ba tanöbö'ö ba wamatunö hewisa lua-lua khöda Beo Nias andre ma Magiao.

Fetaro Magiao ba mbanua bö'ö(Penyebaran)

Magiao si so ba Danö Niha no mozawili göi ba mbanua tanöbö'ö simane ba Sri Lanka, India, Himalaya, numalö ba gatumbukha irugi Filipina

Waö-waö (Deskripsi)

Magiao andre, fa'ebua mbotonia lö ebua sibai so ba zi 40 seti, hiza no sebua ia moroi ba gotalua beo tanöbö'ö. La'a-la'a magiao andre, no sökhi sibai, ba högönia lö atabö sibai mbu, ba so za'usö ba wetaro dangi-danginia, ma hulö zo talinga sambua waehuta moroi ba danöbö'ö. Magiao andre, ba simanga mbua geu ba ngawalö zohombo sigide-ide (serangga), ba nahiania ba geu salaŵa sibai, ba auri ira safasa, so zilatao ba so zihene, ba magiao andre, sambua wofo si lö famaedo ba zi sagörö ulidanö, hewisa wa'onekhenia ba wamadumaisi ngawalö nirongonia, ba sasese latötöi khönia. Magiao no arakhagö lö sa'ae tesöndra ba gatua ba Danö Niha me no oi teboka gatua, ba no oya göi nira'u, nifaliaro niha, irege lö oya tö, ba arakhagö taya sa'ae. Moguna la orifi ba lafaliaro, ba la'angeragö hewisa lala ba wangoya'ö magiao andre. Hiza magiao, fao ba gangolifa wofo sitebai lahalö, me no so goi-goi zamatörö. (burung yang dilindungi)