Maena

Maena no sambua ngawalö wanari si so ba Danö Niha. Asese mufalua ia na so wa'omuso dödö sebua simane falöŵa, owasa, ba tanöbö'önia. So nifalua ngasi zowatö, ngasi nuwu awö ngasi dome si so ba gowasa andrö.

Lala wamalua maena

• Si'oföna ba lafa'oli ira ono maena, ira'alawe tanö föna ba iramatua tanö furi. Itaria göi lafa'oli ndraonomatua tanö ba gambölö ba iraono'alawe tanö ba gabera. Sanutunö, nifotöi ere maena, i'agö tanö föna nono maena.
• Fatua lö labörögö maena ba si'öföna ladöni höli. Niha si no bihasa ba gotalua nono maena zondröni höli andre, ba tola göi satua hada. Duma-dumania simane wondröni höli ba nöri Huruna: "Höli-höli wanguhugö solau maena...!", ba latehe dania ono maena lamane "He...!"
• I'ombakhaö sanutunö hadia ni'ogunaö ba wamazaumba ahe, simane: ni'o'öfa sagi, ni'otölu sagi, ni'odua sagi ma ni'osolau fagaragazi (sambua föna ba sambua furi) ba tanöbö'önia.
• Ena'ö endronga wamazaumba ahe, idönia'ö maena sanutunö maena faoma fangerai sara... dua...tölu.. ba labörögö wamalega ya'ira ono maena. Ba la'anunöisi wanehe, awena i'tohugö wanötöi töi maena ere maena, ba lafagema-gema wanehe sato.
• Na no awai wolau maena ba lafuli lahöli simane ba wamörögö no mege.

Ngawalö maena

• Maena wangowai tome
• Maena wangandrö wa'ebolo dödö dome salua
• Maena wanuno tome
• Maena wanuno umönö
• Maena fangowai zowatö
• Maena fanuno zowatö
• Maena famalega bola numönö
• btn.

Lala wangera-era sifakhai ba wolau maena

Lalau maena ba wangoroma'ö fa'omuso ba fa'owua-wua dödö. Tenga ha fanari manö ia, bahiza göi tobali fangoroma'ö ngawalö wanari Nono Niha ba soi bö'ö si fasui. Mendruamanö me maena andre no tobali do Nono Niha, tobali famaha'ö ba famohouni lala wangera-ngera.