Lofo
Bawa lofo no inötö na tesöndra wa'ambö balazo ba zi sagörö tanö. Ba ginötö me föna asese alua mbaŵa lofo sabölö-bölö ba Danö Niha, ya'ia na lö tesöndra mbalazo simane fakhe, gowi, gowirio, gae, talö, ba tanöbö'önia, irege ato niha safuo ba so göi zimate börö wa'olofo. Simanö nidunö-dunö ndra satua si no alua ba zi lalö. Afuriata alua ia ba Danö Niha me ngafulu döfia si-60 (1966).[1]
Börö mbaŵa lofo
[bulö'ö | bulö’ö kode]Alua "mbaŵa lofo" na lö mowua zinanö börö lökhö sara ma zui börö wöla soya sibai btn. ba zi sagörö tanö, irege tenga ha mo'amböta mbalazo ba zi hauga banua si fahatö bahiza simanö göi mbanua si fasui, irege lö lala wowöli balazo moroi ba naha bö'ö. Duma-dumania ba zi sambu-sambua banua ma ba zi sambua soi, ilau lökhö mato döfi wa'ara, lua-luania oköli danö, basaki tesöndra nidanö. Na alua zimanö a'oi fa'ala'alai dödö fefu zohalöŵö ba danö, me tebai mananö fakhe ba laza, rokomö fefu zinanö agaleu mbulu lö mowua börö wa lö idanö, simanö göi zangai gitö lö mowöi gitö hafea me oköli mangaruru mbulu. Lua-luania fa'abudödö me a'oi agafuo ba oya zimate gurifö ba simanö göi niha börö me lö tesöndra mbalazo ni'oguna'ö. Alua zimane tenga ha ba zilalö, bahiza tola göi ba zi so föna. Andrö moguna mu'angeraigö hewisa wangöna soguna ba zi so föna.[2]
Umbu
[bulö'ö | bulö’ö kode]- ↑ Mengenang Bawa Lofo (Musim Kelaparan) 1966 di (sebagian) daerah Nias, niasonline.net, mufaigi me 23/09/2025. (Li Indonesia)
- ↑ Jawahir Gustav Rizal (24 April 2020). "Ancaman Kelaparan dan Krisis Pangan Global Setelah Pandemi Corona". kompas.com. Mufaigi me 21 Maret 2021.