Lase

Moroi ba Wikipedia
Ae ba navigasi Ae ba wangalui
bua lase si so ba Danö Niha (Buah Duku)

Lase, na ba Danö Niha la ila niha wa sambua mado sino ara so ba Danö Niha. Lase göi no sa'ae ta'ila wa sambua sinanö sino mozawili ba zi sagörö Tanö Niha. Ya'ia sinanö sauri ba danö sabe'e. Lase andre, buania fao töi zinanö nia fagölö, lakaoni khönia Lase. Bua lase, ba no sambua bua danga niha khöda na mangawuli moroi ba danö niha numalö mi siefo, lase moroi ba danö niha no sambua mbua zinanö somasi niha.

Ngawalö lase[bulö'ö | bulö’ö kode]

Lase. ba so ngawalö nia ba danö niha ya'ia da'ö simane sino ta'ila sa'ae simane :

  • Lase mbatawi. Lase da'a ba no tobali bua lase ni fahulö niha. No göi so sa'ae zamawa ba fasa, irege lase mbatawi andre no tola la'öli niha silö sinanö lase da'ö.
  • Lase ndru'u. Lase ndru'u, sindruhunia fagölö manö ira lase tanö bö'ö fagölö-gölö ba ndru'u, ha ya'i na lase ndru'u andre, oya zi tenga ni tanö, ma lamane lase sauri manö, lase sauri samösa.

Lase andre ba no oya ngawalönia si no auri ba Danö Niha, sindruhunia so dombua Lase andre ya'ia da'ö lase nifotöi duku ba sambua tö ya'ia da'ö lase nifotöi langsat. Lase si no la'ila sotöi (L. domesticum var. duku) sito'ölönia ebua hogunia, esolo dölania, ba bulunia awe'e-we'e, la'a-la'a sowuge'e sibai, ba hiza dölania adogo-dogo. Egebua mbuania, so zi 15-20 ngawua sangamohi. Da'ö lase nifotöi duku baero ba zimane da'a, fagölö ira lase, iza'i töinia langsat

Lase moguna ba mboto[bulö'ö | bulö’ö kode]

Lase andre ba ta'ila wa sambua sinanö so wua. Ba bua nia, na asoso ba la'a-la'a nia a'usö. Hiza bua lase andre, rasonia, ami gulo. Hunönia da'ö zafeto. Lase sino irai lasura gunania ba mboto, itaha wökhö ba dölötölö (peradangan), so göi zanguma'ö wa bua lase andre tola itaha ma ilawa wökhö tödö (penyakit jantung), so lawa fökhö gulo (diabetes), izago gamaudu nuo (menjaga sistem saraf), izago guli niha (menjaga kesehatan kulit), inönö watahana mboto (memperkuat imun tubuh). ba tanö bö'ö nia. [1]. Lase andre, göi auri ba danö sabe'e, ba tola auri faoma hunö nitanö ma ni hayaigö ba danö, ba na no molewöi ia, ba tola latanö ba naha si no latatugöi.

Ba li bö'ö[bulö'ö | bulö’ö kode]

Lase andre ba Li Indonesia asese lawa'ö Langsat, sogöi zanötöi ya'ia : duku Geremani lawa'ö ia : Fruchtbaum und die Frucht (Li Jerman)[2]

Umbu[bulö'ö | bulö’ö kode]

  1. Nugraha, Jevi (3 April 2020), "7 Manfaat Buah Duku untuk Kesehatan, Bisa Memperkuat Imunitas Tubuh". merdeka.com.
  2. H. Sundermann, Niassisch-deutsches Wörterbuch, 1905, ngawua wehede lase