Lahine
| Lahine (Pacar air) | |
|---|---|
| |
| Klasifikasi ilmiah | |
| Kingdom: | |
| Order: | |
| Famili: | |
| Genus: | |
| Spesies: | I. balsamina
|
| Nama binomial | |
| Impatiens balsamina | |
Lahine ma ba li Indonesia lamane; Pacar air sinumbua sauri ba Danö Niha arakhagö dozi omi oi so lahine andre. Molo'ö mbörötania lahine da'a tefa'aso ia moroi ba Asia Selatan faoma ba Asia Tenggara ba hiza no la faehagö ia ma lafazaewe duriania ofeta ba Amerika me abad si-19. Sinumbua da'a sinanö sauri ba ndröfi ma irugi fa dua fakhe ba tenga ha bulu zi so khönia, so göi mbunga so la'a safusi, soyo, sohawu-hawu, ma fa'oyo zamba. Sikhala mbungania hulö mbulu mbunga lu'u side-ide. Fa'alaŵa lahine ikhamö fa samete (1 meter) tölania abe'e ma'ifu ba hiza bangai mbulunia hulö moragi-ragi.
Lahine, sinumbua somasi sibai waöhö wangondrasi ba wanolo fa'atohare mbowonia. Heŵa'ae simanö, lahine auri ia ba danö sabe'e. Baero da'ö, lahine göi moguna ia ba dalu-dalu.
Si tohude moroi ba lahine andre na lafaedogö ia ba zinumbua tanöbö'ö ya'ia da'ö, tola auri ia helö hadöi ŵa'a, me töla lahine andre, hiza i na la tanö ia ma lö mangoguna'ö ŵa'a, eluahania la be'e ba naha simane boto-boto faoma la fo'ösi nidanö. Ba Danö Niha lahine, no labali'ö ia fangali kuteks ni be'e ba za'a, lala wangahaogö ya'ia, lahalö mbulu lahine, latutu ma la'ohamai'ö ba labe'e ba za'a awena labalugö ia faoma nukha-nukha, na no ibörötaigö oköli ba awena labokai, hiza no mozökhi sibai za'a sigöna ya'ia. Fa'amohudenia moroi ba kuteks lahine andre nibe'e ba za'a, ara taya ia.
Lahine goi auri ia moroi ba mbuania, asese ifamoka samösa mbuania nano atua ba da'ö wangoya auri nono lahine.
Guna lahine
[bulö'ö | bulö’ö kode]Lahine tenga ha sitobali famola'a moroi ba zinumbua, hiza lahine andre molo'ö si no la fareso ira ere wa'atua-tua, wa no tola göi famolala we gö, si tola labe'e öndraono. Fanötöi lahine andre ba mbanua bö'ö ya'ia da'ö, simane ba Minangkabau lakaoni faoma fanötöi paru inai, ba mbanua ba Sunda, lakaoni faoma pacar cai ba Jawa, pacar banyu, ba na ba Jakarta lamane kim hong.[1]
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.