Ifö Niha

Ifö yaia daö sambua fakake nifake bawemanga si so ba mbawa niha. Ifö dae so dombua ngawalö yaia nifö sisabata (gigi susu) ma töi böönia ifö siaa ba ifö sodadaoma (tetap). Eluaha nifö moloö Kamus Besar Bahasa Indonesia si so ba guö tefoeluaha ia töla sabe'e sino ideide molaa safusi siteoli mowaa ba ngingi.

Ifö Niha

Guna nifö

Ifö moguna ba wonganga, wangusu, awö ba wamufu gö nibe'e bakha ba mbawa.

Ndroto-ndroto nifö

Ifö tebagi telö ngawalö ndroto-ndrotonia yaia:

1. Takula nifö: takula nifö yaia zoroma bakha ba mbawa solaa safusi börö meno ibulögö ia nifotöi enamel/email.
2. Bagi nifö: ola ma famabali dakula ba waa, sifalemba ba ngingi.
3. Waa nifö: waa daa tetanö ia ba ngingi, ba lö oroma na tafaigi.

Ngawalö nifö

Ifö daa moguna sibai ia ba monganga gö ba ngawalö nifö si so ba mbawa si fabööböö gunania, simane si so tou andre:

• Ifö tanö föna (Gigi seri) ya'ia nifö si so tanö föna mbawa ba so walu ngawua ia (öfa tanö yawa ba öfa tou). Ifö da'e moguna ia ba wangusu, wanaba, manika, ba wanaha ö. Ifö dae göi sasenia tobali ifö sioföna tumbu ba ndraono sawuyu siönö wawa.
• Gigi taring yaia daö ifö si so furi (gigi seri). Ifö daa atarö sibai ba moguna ba wanika ö. Tumbu ba ndraono si 16-20 wawa si so tanö yawa ba tou.
• Premolar moguna ba wonganga awö ba wanandaölö ö. Ba niha satua Ifö daa so walu eroero tamba mbawa, ofa gametahö rahang atas ba öfa ba rahang bawah. Ifö daa mangodo ia ba ndraono si fulu fakhe ba premolar kedua tedou döfi aefa daö.
• Boha (Gigi geraham) teogunaögöi ba wonganga awö wanandaölö ö. Boha so ia tanö furi ba tumbu ia ba ndaono si 12-28 wawa, ba teali ia tobali ifö premolar siföföna ba simendrua (öfa yawa ba öfa tou). Faoya mboha so walu ngawua.
• Boha safuria/siakhi (Gigi geraham bungsu), ifö daa afuriata awena so ia, ba nahiania tanö furi mboha. Sasesenia lö nasa tumbu ia irugi ndröfi 18-20 fakhe. Ba so göi niha boha safuria daa lö tumbu ia.