Ae ba nösi

Hoho

Moroi ba Wikipedia

Hoho no fehede nifohadu fama'oli ba fanutunö ya'ia, sisökhi ba sogaena ba wa'amohadu. Sito'ölönia nifa'ema-ema ia, so za nututunö ma sondönia'ö y'ia nifotöi ere, ba so göi zanehe-nehe ma sama'e-ma'ema ena'ö omasi niha wamondrondrongo. Mofa'abakha geluahania moroi na teŵa'ö simane ba wehede sito'ölö manö. Na sökhi woolau hoho hulö nangi sihoho-hoho ba adöni dödö niha samondrongo ya'ia. Tefalua ia ba ginötö na so halöŵö nifalua ba wa'auri niha mendrua manö zo'amakhaita ba hada. Börö da'ö so göi zanguŵa'ö wa hoho nono Niha andrö ba fagölö ira puisi ma zui pantun ba li Indonesia. Molo'ö Yasato Harefa, oya ngawalö hoho. So hoho amaedola, motu-motu, mene-mene, ngenu-ngenu, lailö, hubölö, hoho ba gowasa, manö-manö, nidunö-dunö, hendrihendri, bölihae, taba'ele, kibu-kibu, debu-debu, maola-maola, faöndrua, mbölö-mbölö, olola, ba tanöbö'önia[1]. Molo'ö wangosili Sonjaya ba Mbörönadu, Gomo, hoho sabölö la'ila niha mbanua ba da'ö ya'ia hoho sanutunö waö-waö mböröta Nono Niha. No oya ngawalö hoho nitutunö khönia, oi fabö'ö-bö'ö nösinia ero-ero dozi mbanua.[2]

Duma-duma ngawalö Hoho

[bulö'ö | bulö’ö kode]

Sondrönia'ö hoho andre ya'ia Ere Maena. Sito'ölönia lafalua ia ba ginötö:

  • Falöŵa: Maena fangowai, maena fanuno bene'ö, fanuno numönö solemba ba dölanora, maena famalega bola nafo (tome ba sowatö), maena fangona
  • Fotema'ö Tome Nifosumange
  • Owasa: Maena ba gowasa fanaru'ö banua, maena ba gowasa fanaŵa omo, maena ba gowasa famasindro öri,

maena ba gowasa fanahö tödö mbene'ö, maena ba gowasa fanörö tödö ngaluo wa'aheta moroi ba wangosawuyu (Hari kemerdekaan RI), btn.

Hoho Fangowai ba Fame Afo

[bulö'ö | bulö’ö kode]

Sondrönia'ö hoho andre Ere Gamaedola. Sito'ölönia lafalua ia ba ginötö:

  • Fangowai ba fame afo ba walöŵa
  • Fangowai ba fame afo ba wangohori halöŵö/femanga mbawi nisilahulu
  • Fangowai ba fame afo ba fanema bawi walöŵa/bawi böwö
  • Fangowai ba fame afo ba wotema'ö tome nifosumange
  • Fangowai ba fame afo ba wamalua owasa, btn.

Hoho Hendri-hendri

[bulö'ö | bulö’ö kode]

Sondrönia'ö hoho andre Ere Gamaedola. Sito'ölönia lafalua ia ba ginötö na no aefa wangöhöli ba wanema afo simane ba wamalua: falöŵa, fotema'ö tome nifosumange, famalua owasa, btn.

Hoho Golola Mbawi

[bulö'ö | bulö’ö kode]

Sondrönia'ö hoho andre Ere Gamaedola. Sito'ölönia te'ogunaö ia ba wamasao bawi walöŵa/bawi böwö, nifalua ba ngaluo ba zi tanö'owi sahari fatua lö falöŵa.

Hoho Mbölihae

[bulö'ö | bulö’ö kode]

Sondrönia'ö hoho nadre Ere Mbölihae. Sito'ölönia tefalua ia na murugi mbalö newali zowatö, simane ba wamasao bawi walöŵa/bawi böwö, ba wa'atohare mbanua na falöŵa ma ba gowasa, wa'atohare nuwu na falöŵa ma ba gowasa, btn.

Angolifa Hoho

[bulö'ö | bulö’ö kode]

Höndrögö ba da'a ba wamaigi gangolifa Hoho

  1. ↑ Harefa, Yasato (2020), Tata Bahasa Nias (Amakhoita Li Niha), Yogyakarta: Penerbit Valemba, ISBN: 978-602-52914-2-5, nga'örö 63
  2. ↑ Sonjaya, Jajang A (2008). Melacak batu menguak mitos. Yogyakarta: Penerbit Kanisius. Nga'örö 35.

Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li, hada, waö-waö, ba fa'atua-tua Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.