Hindia Belanda
Hindia Belanda ma Hindia Belanda Timur (li Belanda Nederlands(ch)-Indië) no töi mbolo wamatörö Belanda si so danö nifotöi Republik Indonesia ma'ökhö. Fatua lö tobali Hindia Belanda famatörö gölana andre lafotöi "Vereenigde Oostindische Compagnie' ma asese la'adogo'ö VOC si no hulö angowuloa ngawalö perusahaan Belanda ba ginötö andrö. Bahiza me 1800 famatörö Belanda mamasindro Hindia Belanda, si tobali fangali fefu perusahaan föna ö (nifotöi nasionalisasi). Hindia Belanda teböhöli aefa wama'olo wa merdeka Indonesia me baŵa siŵalu 1945. Bahiza moroi ba wamaigi Belanda awena teböhöli ia me 1949 me ifaduhu'ö Belanda wa Indonesia no sambua negara merdeka. Ibukota Hindia Belanda so ba Batavia, töi Jakarta fatua lö tobali ibukota Republik Indonesia. Li resmi no Li Belanda, bahiza li sero ma'ökhö no li Melayu.
Fe'aso Belanda ba Danö Niha
[bulö'ö | bulö’ö kode]Ba Gunungsitoli
[bulö'ö | bulö’ö kode]No hauga kali itandraigö Belanda wamatörö Gunungsitoli. Si föföna me döfi 1693 ba sakali tö zui me 1756. Bahiza lö a'ozu lafalua börö me Tanö Niha so nasa barö mbawa Inggris. Awena me döfi 1840 ba lafa'olo Traktat London, tebe'e Gunungsitoli ba danga Belanda.[1]
Umbu
[bulö'ö | bulö’ö kode]- ↑ Novelman Wau, Samuel (16 Nopember 2016). Desa Orahili Fau, Benteng Terakhir Nias Melawan Belanda, niassatu.com (16/11/2016), mufaigi me 28 Februari 2022