Gereja ONKP

Templat:Infobox Christian denomination

Orahua Niha Keriso Protestan ("Gereja Kristen Protestan Nias"), ma na la'adogo'ö ia latötöi faoma; ONKP, sambua sinode gereja Protestanisme ma Protestan sifagölö ba Gereja Lutheran si so ba Danö Niha. ONKP musindro me 16 April 1952 ba ofeta iada'a so ba zi 65.000 jiwa ba si sagörö Indonesia. ONKP, kantor pusat ba Tugala Lahomi, Kecamatan Sirombu, Kabupaten Nias Barat, Sumatera Utara.

Waö-waö

Famozaewe duria somuso dödö ma ba li Indonesia lamane; pekabaran injil ba Danö Niha, ya'ia da'ö ba ndröfi si 1865, sifendronga ba wa'atohare misionaris sotöi Ernest Ludwig Denninger. Denninger andre moroi ba lembaga penginjilan Rheinische Missionsgesellschaft ma Rheinische Missions-Gesselschaft(RMG) ba Barmen, Jerman. Döfi si 1971 RMG fagati döi tobali Vereinigte-Evangelische Mission(VEM) ofeta iada'a töinia United Evangelical Mission (UEM). Denninger ofeta ba Gunungsitoli me 27 September 1865.

Ba zi ha'uga fakhe aefa da'ö, moroi ba RMG lafatenge zui misionaris ba Danö Niha sotöi J.W Thomas (1873) ba teboka sambua nahia pos Pekabaran Injil ba Gombölata, Kraemer (1874) tefataro ba Hilinaa, ba hiza ba ginötö wanörötödö wa'amate Yesu ma hari raya Paskah ba ndröfi 1874 da'ö, si'oföna sibai tefalua wamayagö idanö (baptisan) ba soi Nono Niha, famayagö idanö siföföna sibai khö zalawa Hilina'a sotöi Yawaduha (Ama Goe) ba dasiŵa niha danöbö'ö zifao khönia. Ba zi lö ara sibai aefa da'ö, ibayagö idanö zui niha, so ba zi 16 niha irege fa'ato zi no labayagö idanö ya'ia da'ö 25 niha. Aefa da'ö ba ndröfi si 1875 so daönö niha moroi ba Gombölata tebayagö idanö, ba ndröfi si 1876 moroi ba Waekhu so 32 niha. Ba ndröfi si 1876, Dr. W.H Sundermann tohare ia irugi Gunungsitoli ba ibokai nahawangandrö ma pos Pekabaran Injil ba Ndrahana. Sundermann andre, so ha'uga nisurania mbuku nibaginia ba ndraono matua sitobali famaha'ö. Me 21 Januari 1881, Pdt. Johann Adam Fehr ofeta ba Gunungsitoli ba toröi ba Gombölata.

Umbu

Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.