Fonahia sifindra-findra

Moroi ba Wikipedia

Fonahia sifindra-findra, ba wehede sasese larongo niha ya'ia da'ö sikoli ma pengembara. Hiza no ibörötaigö ato zangalui hezo i'oroi mböröta niha ba Danö Niha, soguna ba wamahaö ba zekola. Manofu dödö niha, me na lafaigi ba fotonga, ba hulö ndra niha Cina, simanö ba wehede hulö li ndra niha Filipina, da'a zi oi manofu dödö niha, ba hiza naha wamahaö tedöni dödöra ba wamalua famareso (melakukan penelitian)sanandrösa ba wa'auri soi nono niha andrö. Ba ginötö meföna tatu manö wa tenga so'ahonoa dozi niha, me inötö tenga simane ma'ökhö. Me lönasa ato niha, ba no so ba halama niha, lawa'ö ia ba Danö Niha, fahalama. Fahalama andre, sambua ondröita zatua meföna si no alua ba götöra.

Molo'ö umbu duria andre, umbu li, wa meföna me inötö lö ato sibai nasa niha ba Danö Niha, ba asese alua wa'udusa ba gotalua mbanua, öri faoma öri, ba na möna atö, ba la kuasoi mbanua da'ö, irege niha si no kala ba wasuwöta andre mofanö ira, lasaŵa mbanua bö'ö. Fahalama, ha simbo galitö dandra wa so niha ba da'ö, me folau nahiara ba gotalua mbenua sebua, si lö niha. Lahaogö nomora, lafili naha salo'o, ba da'ö mo'urifö ira na so simane : bawi, manu, asu, ba fa'auri si fahulö (bersaing) ba ngawalö zi so ba zifasui ya'ira. Lö fa'afalukha ba niha sato, baero zanörö fetaro huno si so ya'ira. Utu undru ba zifasui, ulö, tongo, ba urifo so biso tanö bö'ö sifalukha bongi ma'ökhö. Soguna khöra, ya'ia si no i henagö tanö. Ösi danö la tandraigö ba wemanga, ba ngawalö bulu geu, bua geu, ba urifo si tola ni'a. Ba wolaura fahalama, no fa'auri si no latema moroi khö zatua meföna, me mowua danö lö fa'ambö ö, me lö nasa sitekiko ma si teboka gatua sebolo. Ba hiza ngafulu fakhe aefa da'ö amena, findra yomo ba mbanua niha, ba sito'ölö nia, sambua banua bakha ba da'ö, findra fefu, ba teboka zui mbanua sibohou. Idugu monönö niha, ba fagamö-gamö göi falukha wa'asökhi ba nono niha me ato zimöi ba Danö Niha moroi baero soi nono niha, ba wamatunö turia si sökhi, ba hiza no sambua fangazökhi ngawalö zo'amböta ba zi no numalö. Fatua lö fasuwöta Niha Belanda, Nifo ba Danö Niha ofeta lamane Indonesia no aefa ba wasuwöta (Indonesia Merdeka), hatö fasambua tö Nono Niha zangiagö halama, me no so wamareta ba mbanua samokai hörö ba ngawalö wa'asökhi, simane: no so zekola, so rumasaki, so gosali, ba tanöbö'önia, simöi fangeheta niha ba wa'auri wa'afindra-findra nahia, irege tola ahono ba zisambua banua si no so famerata, so zalaŵa so aturai ono mbanua. Ofeta ma'ökhö he naso niha si fahalama si findra-findra nahia ero inötö, ba ha tö fasambua, no arakhagö taya ia.

Inötö iada'a[bulö'ö | bulö’ö kode]

Fonahia sifindra-findra, no tenga lala nifili dozi fongambatö ba Danö Niha. Da'ö sambua lala wa'auri si no irai so ba Danö Niha, ba sambua famahaö ba niha bö'ö misa wa Ono Niha no sambua soi ba gulidanö, sauri ba fetaro gofu heza so so ia, me so wangi'ila ma fa'ahatö ba danö, ba no larorogö gamakhaita ba danö si so ya'ira faoma amonita ni'ilara ba wa'auri ba zi sambua benua ba wahalamasa. Meluo da'ö, fowua danö no mame'e fa'auri ba niha, ba Ono Niha no la'ila hewisa wamalua hada'ia ba danö, ba zinanö ma sinumbua, ba gurifö, ba tanöbö'önia.