Fogao

Moroi ba Wikipedia
Ae ba navigasi Ae ba wangalui

Fanura sura da'a ba gangolita ngawua wehede moroi yöu (dialek Nias Utara) Lambang kabupaten nias utara.jpg

Fogao (alat parut kelapa) ba danö niha.

Tanö niha, no la'ila niha sato ba zisagörö uli danö wa fetaro mbanua da'a ya'ia da'ö so ba zisambua hulo. Irege moroi ba da'ö tekhalaigö ba zamena mamondrongo tanö niha andre. Na fetaronia sambua hulo, ifasui ia asi sebua. Me sambua hulo sebua sino ifasui asi, ba no baga sibai wa'atumbu nohi/ohi (pohon kelapa). Ba wa'atumbu nohi soya sibai ba danö niha gamaudu ziso ba ngai nasi, ba no tobali fangauri ba fangalui niha mbanua simane la bali'ö fanikha sami, ba lölö nia tobali farö sitola möi ö gurifö simane bawi. Banio (buah kelapa), nano aefa lateu, ba moguna labokai gulinia ma latötöi ia lasula ba zula. Sula, eu sino la'ataröini mbalönia, ba da'ö labe'e wangeheta sawu. Aefa lasulaini ba no aheta zawu, amena laboto fake du'i-tu'i zi'öli, aefa da'ö sa'ae tola lakhao ba wogao/fogao (alat parut) ba wehede Li Yöu (dialek Nias Utara) ba wehede fetaro raya latötöi ia ndrökhia (dialek Nias Selatan), ba tola göi laŵaö ndrökha

Lakhao Mbanio[bulö'ö | bulö’ö kode]

Fogao ba danö niha, sambua wakake siso fefu dozi omo. Fogao so mbawa nia nifaböbözi'ö ba ziambu, la'arakhaini, ba so göi daoma-daoma moroi bageu. Ba bawa wogao latanö ba mbagi daoma-daoma wogao. Fogao, no sambua fanolo ba nono niha ba wangoguna'ö banio ni'a ma ni bali'ö fanikha sami ba simanö göi ni bali'ö ö gurifö. Ba banio nikhao no oya labali'ö tanömö gö.[1]

Fogao Memböröta[bulö'ö | bulö’ö kode]

Fagoa tenga ha ba danö niha, no göi tobali fakake ni oguna'ö niha ba mbanua tanö bö'ö. Fogao ba mbanua Semoa siso ba gotaluara Hawaii faoma Selandia Baru, Bada'ö no lasöndra fogao ni'oguna'öra moroi ba gara, nolahaogö simane fato, ba da'a göi hulö fagölö ira siso ba danö Indonesia, simane ba Sumatera, Jawa ba Bali.

Fogao India[bulö'ö | bulö’ö kode]

Ba danö India, fogao no arakhagö otu amatonga fakhe. Ba baga sibai hulö zimane ba danö niha, so geu daoma-daoma ba so mbawa wogao. Si fabö'önia, na ba khöda fogao ha ba wogao banio, nahania tabe'e tou, simane ba India, ba geu daoma-daomania no so gamatohula naha mbanio nikhao sifakhai ba mboto wogao, baga sibai.

Fogao Nifuta[bulö'ö | bulö’ö kode]

Meno idugu ato niha sebua fangi'ila ba fa'atua-tua, faoga andre, lahaogö ia lafobawa garagazi soya ba labe'e ndrangania amena lafuta ba wogao bania. Da'a no göi baga sibai, na fogao ba danö niha tagogohe mbanua sino la boto faoma dua tanga, na da'a tambai danga wololohe banio, ba tanga sitambai zamuta ya'ia.

Fogao Fake Dinamo[bulö'ö | bulö’ö kode]

Me no sa'ae idugu atua-tua niha gulidanö ba idugu aoha halöwö nibaya-baya niha. No so sa'ae iada'a wogao banio sabölö aoha, ya'ia wogai samake dinamo. Da'a moguna lafakhai ba lisitiri amena auri ia. Ba hiza no alio sa'ae ba wogao gofu ha wa'oya manö mbanio sedöna lakhao.

Fogao Nibe'e Osö-Ose ba Geu[bulö'ö | bulö’ö kode]

Lö aetu aka niha, idugu la'alui hadia zaoha khöra. Fogao moroi ba gosö-osö ni osö ba geu. Balö wafa sebolo ma'ifu, la osö gosö-osö khönia, nano lafaigi tobönö amena la tandraigö. Lala wamake fogao da'a. Fogao sino la'osö gosö-osö misa khönia, lagogohe ba danga takera, ba banio sino lasulo, la dekha ba gosö-osö ba wafa da'ö, ba notola la khao mbanio sa'ae khönia. [2]

Gohe-Gohe[bulö'ö | bulö’ö kode]

  1. Arowana,Anja (12 Nopember 2017)."Parut Kelapa Warnai Pembukaan Malang Tempo Doeloe" . MalangVoice.Com di akes 2 Nopember 2020
  2. BenuaMesin.Com. "Transformasi Alat Parut Kelapa Manual Dari Zaman Batu Hingga Modern" Di akses 2 Nopember 2020