Firö

Firö no hua gefe ni'oguna'ö götö wamatörö Hindia Belanda ba gölana nifotöi Indonesia iada'a. Heŵa'ae lö te'oguna'ö ia sa'ae ba Indonesia, latohugö la'oguna'ö ia ba Danö Niha irugi ma'ökhö ba wamu'a ömö ba wangowalu ma zui tobali ia ngöna si tola mufamawa ebua mböli ba zi so föna. Heŵa'ae ha sambua Gulden ia, tola ebua mbölinia ma'ökhö, ndrege ha wa'abua wanga'asogö ya'ia. Itugu lö lasöndra ia, itugu ebua mböli nibe'e niha irege lasöndra ia. Irege sambua firö tola tobali ngafulu ma ngaotu ribu rufia.

Ngai tanö föna hua wirö 1 Gulden ni'oguna'ö götö wamatörö Hindia Belanda. So gambara razo Wilhelmina

Ngai tanö furi hua wirö 1 Gulden ni'oguna'ö götö wamatörö Hindia Belanda. So gambara dakula ana'a razo

Simane si no muŵa'ö yaŵa la'oguna'ö nasa wirö andre ba Danö Niha tobali famu'a gömö hada, mendruamanö ömö ba wamalua falöwa nifotöi böwö. Baero mbawi, böra, baru, btn. so waosatö mböwö nibu'a faoma firö ba silötolalö'ö i'a'asogö onomatua sedöna mangowalu andrö, ba mube'e khö zowatö. Fa'oya wirö soguna mu'a'asogö no oi fabö'ö-bö'ö molo'ö hada zi sambu-sambua banua.

Baero fangoguna'ö ba wamu'a böwö wangowalu, so nasa faosatö hada heza la'oguna'ö wirö, ya'ia da'ö ba wanefe idanö na la'andrö howu-howu khö zatuara niha. Bahiza itugu alö sa'ae wame'e rufia ba wangandrö howu-howu. Iada'a labe'e manö gefe rufia niha.