Fangandrö Zo'aya

Fangandrö Zo'aya ma asese lakaoni khönia molo'ö börö wehedenia He Ama Khöma (li Yunani: Πάτερ ἡμῶν, li Latin: Pater Noster) no sambua wangandrö nifaha'ö Yesu samösa khö ndra nifahaönia ba silö'aetu la'oguna'ö ira Niha Keriso irugi ma'ökhö. Ira nifahaö Yesu samösa zangandrö khö Yesu ena'ö ifomaha ira ba wangandrö, te börö me no asese la'ila wa ero bongi möi Yesu mangandrö ba zi ha ya'i-ya'ia.^[1] Manandrösa ia khö Lowalangi (wa ni'amoni'ö ia, somasi ia ba amatöröŵania) ba ba niha sangandrö andrö (soguna si eroma'ökhö ba fariawösania ba niha bö'ö), ba sindruhu angolifa wehede bakha khönia itaria faehu dali tradisi ndra Niha Keriso si no fabö'ö-bö'ö. Bahiza amaehuta wehede bakha ba wangandrö andre no tebörögö ia bakha ba Zura Ni'amoni'ö, me so versi Mataio ba so göi versi Luka. Fao dödö ndra ere Zura Ni'amoni'ö, wa so ngawua wehede wangandrö si föföna heza lahalö nisurara ya'ia sama'anö Injil simane Mataio ba Luka. Bakha ba zinura nifotöi "Didache", nisura ba ngaotu ndröfia si sara, so göi Wangandrö Zo'aya, ba angolifa wehede khönia arakhagö fagölö khö versi Mataio awö Fangandrö Zo'aya soya la'oguna'ö iada'a.^[2] Versi Mataio andre göi ni'oguna'ö bakha ba liturgi Gereja (duma-dumania ba gowasa Ekaristi bakha ba Gereja Katolik) iada'a. Bahiza la'oguna'ö versi Luka ma zui versi tanöbö'önia ira tradisi Niha Keriso bö'ö.

Ösi

Iŵa'ö Katekismus Gereja Katolik wa Fangandrö Zo'aya no "sindruhu amarutua Injil".^[3] Moroi ba zi fitu gangandröŵa nifasao bakha ba Wangandö Zo'aya, tetandrösaigö tölu gangandröŵa si föföna khö Lowalangi, si öfa tö khö niha sangandrö ya'ia. Baero da'ö angandröŵa "ya itörö zomasi ndra'ugö" awö "efa'öga moroi ba zi lö sökhi" ha ba versi Mataio so ia.

Bakha ba tradisi Niha Keriso Protestan, lanönö nifotöi doksologi ba Wangandrö Zo'aya, ya'ia "Me khöu mbanua, aŵö ŵa'abölö, aŵö lakhömi, irugi zi lö aetu. Yaduhu", sambua gonönöta ninönö ba zura Mataio bakha ba ngawalö zura Mataio nifotöi manuskrip, si itaria faehu moroi ba zura Mataio bö'ö. Doksologi andre te'oguna'ö göi bakha ba Gereja Katolik ba ginötö Wangowasaini Ekaristi, bahiza lö lafatohu ia na lalau mangandrö si ero ma'ökhö.

Amakhaita versi Mataio ba versi Luka

Edöna mufo'ösi

Teks asli Yunani

Edöna mufo'ösi

Angolifa wehede molo'ö tradisi ndra Niha Keriso

Fangandrö Zo'aya molo'ö tradisi ndra Niha Keriso Protestan:

He ama khöma si so ba zorugo, ya te'amoni'ö döi-U, ya tobali banua-U fefu niha, ya itörö zomasi Ndra'ugö. Hulö simane ba zorugo ya simanö göi ba gulidanö. Öma sirugi ma'ökhö be'e khöma ma'ökhö andre. Efa'ö khöma horöma simane fangefa'öma sala ba zifasala khöma. Böi ohe ndra'aga ba ŵanandraigö, efa'öga ba gafökha. Me khö-U mbanua, aŵö ŵa'abölö, aŵö lakhömi, irugi zilö aetu, yaduhu. (Mat 6:9-13 + doksologi)

Fangandrö Zo'aya molo'ö tradisi ndra Niha Keriso Katolik:

He Ama Khöma si so ba zorugo. Ya ni'amoni'ö döiu, ya tobali amatöröŵau fefu niha. Ya itörö zomasi ndra'ugö, hulö simane ba zorugo, ya simanö göi ba gulidanö. Öma sirugi ma'ökhö be'e khöma ma'ökhö andre, ba efa'ö khöma horöma, simane fangefa'öma göi niha si fasala khöma. Ba böi fa'amöi ndra'aga ba wanandraigö ba efa'öga moroi ba zi lö sökhi. Amen. (Mat 6:9-13)

Analisa ero gangandröŵa

Edöna mufo'ösi

Umbu

↑ Luk 11:1
↑ Faigi Ante-Nicene Fathers/Volume VII/The Teaching of the Twelve Apostles/The Teaching of the Twelve Apostles/Chapter VIII
↑ Catechism of the Catholic Church – The summary of the whole Gospel, vatican.va, mufaigi me 19/02/2024. (Li Inggris)

[1] Luk 11:1

[2] Faigi Ante-Nicene Fathers/Volume VII/The Teaching of the Twelve Apostles/The Teaching of the Twelve Apostles/Chapter VIII

[3] Catechism of the Catholic Church – The summary of the whole Gospel, vatican.va, mufaigi me 19/02/2024. (Li Inggris)

[1]

[2]

[3]