Fandrugasi

Moroi ba Wikipedia
Ae ba navigasi Ae ba wangalui
Gnome-home.svg
Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li (bahasa), hada (budaya), waö-waö (sejarah), fangi'ila (pengetahuan, kebijaksanaan) Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.
Gambara Fandrugasi

Fandrugasi sambua mbotoŵa nioguna'ö ba nomo ba zibongi, ba wohagaini omo, si no la'ila niha wanötöi ya'ia ba li Indonesia; Petromaks. Fandrugasi andre, fandru sangoguna'ö fanikha tanö, ba wanunu ya'ia moguna spiritus (kerosin, parafin). Fangahaogö fandrugasi andre, lasöndra ma lahaogö ia me döfi si 1910 samösa sotöi Max Graetz (1851-1937), CEO moroi ba perusahaan Ehrich & Graetz, si so ba Berlin. Töi Petromaks ya'ia da'ö nihalö moroi ba wangorudugö döi moroi wehede; “Petroleum” faoma wehede “Max Graetz”. Töi da'a ba mböröta ha sambua döi wamawa ma merek dagang, ba hiza börö idugu oya zangoguna'ö ya'ia nomöi fanötöi ma fogaoni wandrugasi. Ba danö Indonesia, ba ndröfi si 1990-a botoŵa andre no oya la'oguna sitobali famohaga ba nomo-nomo he ba mbanua side-ide ofeta ba zoya ma sifasösö omo, simane ba fasa si so niha samawa.

Böröta wangahaogö fandrugasi andre, Max Graetz, omasi ia ihaogö mbotoŵa sangoguna'ö parafin nibali'önia sambua amawaö ba perusahaan ni ohalöŵögöigönia. Aefa da'ö, Graetz ba dalu lala wangahaogönia, hiza i söndra lala we'amöi baera gas moroi parafin, irege tobali haga si sökhi.

Sambua zihulö gulambu keramik (nihaogö moroi ba nifaruka oksida-oksida logam sifakhili moroi ba danö la'uri si no ta'ila ia da'a, ba Danö Niha lamane 'bola wandru ba li Indonesia kaus lampu ni aukhuni faoma spiritus. Me no aefa da'ö, parafin tefazaŵa moroi ba nangi nifofa ba naha wanikha si no la duhö, ena'ö tola möi ba bola wandru ofeta hulö zakhozi ia ba mohaga.

Fandrugasi andre, ba Danö Niha no sitobali fanolo ba wamohaga omo ba zibongi. Hiza, me no sa'ae tedou ginötö, sangoguna'ö fandrugasi idugu alö me no ofeta ba nomo wandru moroi ba PLN (Perusahaan Listrik Negara). Ba Danö Niha, fandrugasi botoŵa si tebai ni'olifuaigö ofeta ma'ökhö fatua lö ahori ofeta wandru PLN ba nomo fefu nono mbanua. Eluahania, ba niha sangoguna'ö fandrugasi andre manötöna ena'ö fanikha tanö lö aetu wa'asonia ba tola la'ila niha sangoguna'ö fandrugasi.[1]

Umbu[bulö'ö | bulö’ö kode]

  1. KabarToday.Com, "Ketua DPRD Kota Gunungsitoli : Hentikan Konversi Mitan Di Pulau Nias", Redaksi Kabar Today, [1], Mufaigi me 30 Agustus 2022