Fanörö tödö wa'atumbu Wikipedia si 20

Ni sura ba da'a mitou, tola tobali sura ;

Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li (bahasa), hada (budaya), waö-waö (sejarah), fangi'ila (pengetahuan, kebijaksanaan) Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.

Fanörö tödö wa'atumbu Wikipedia 20, ya'ira si so ba gangowuloa ngawalö li ba danö Indonesia, oi omuso dödö me la törö tödöra wa no sa'ae dua wulu fakhe ndröfi Wikipedia. Ba wanörö tödö ba ndröfinia si dua wulu (ke-20) fakhe fetaro ngaluo si fele lima mbaŵa si sara dua ngahönö a dua wulu a sara (15 Januari 2021), so gangowuloa zamena fao ba wa'omuso dödö khöra. Ya'ia da'ö angowuloa Li Niha si no mamoto i'otarai zosou'a me fele zara mbaŵa si sara dua ngahönö a dua wulu a sara (11 Januari 2021) (Ibaso Nai'es ba video wanörö tödö si fahuhuo, Phoebe A, i'otarai meni si 8:29-8:42) ni fa'emara ba Youtube, sotöi Wikimedia Foundation ba ginötö wa'alua wanörö tödö da'ö. Ya'ira samena fao ba wa'omuso dödö ba ngaluo wa'atumbu Wikipedia si 20 andre, tebai la bini'ö hewisa wa'omuso dödöra, me ngafulu, ma ngaotu ma zui ngahönö wa'oya zokhö li ba guli danö andre, ba oi dozi orudu ba Wikipedia, ha ya'ira si no mangodödögö ba niha si no mame'e inötöra, fa'abölöra, ba tatu manö fo'ölöra, ba wo dou'ö ngawalö wangi'ila li ni oguna'öra ba mbanuara. Ba gotalua zo wulo hewa'ae ha ba wuka bakha ba gu'ö, so nono niha, si no la'ira ira sohalöŵö ba Wikimedia Indonesia, si no mangodödögö ngawalö zoguna ba wodou'ö li niha, irege tola fagölö wetarora li bö'ö ba wikipedia. Ba naha tanöbö'ö, ba angowuloa Wikimedia Indonesia, owulo ba gu'ö, me fele lima mbaŵa si sara dua ngahönö a dua wulu a sara (15 Januari 2020, 19:00 inötö Indonesia ba Gaekhula-WIB), so ba zi öfa wulu (40) niha moroi ba mbanua Batak Toba, Madura, Sunda, Banjar, Aceh, Jawa, Nias, ba tanöbö'ö, faoma la fa'ema wehede ba wanörö tödö si 20 khö Wikipedia moroi ba wanguma'ö ba wehede hezo fetaro ira. Moroi ba Danö Niha, ma li niha (Bahasa Nias), no tefa'ema simanö ni fa'ema niha moroi ba mbanua bö'ö.

Moroi ba gangowuloa Li Niha

Me no so ba gangowuloa sebua, simane Wikimedia Indonesia, hiza ero so hada'ia nifalua sifakhai ba gangolifa wehede moroi ba zisambua mbanua (Bahasa Daerah), ya'ira so halöŵö ba da'ö la fa'ema duria, irege ya'ira si so ba gangowuloa li niha, fao ira ba gangowuloa da'ö. Ba ginötö wanörö tödö Wikipedia si 20 andrö, ba moroi ba gangowuloa li niha (Bahasa Nias), so : namada : slaia, banio,Yasanto Lase, simalambuo, Agusti lase,

Fanötöna

Lö hadöi si tola lafa'ema ya'ira si no erege dödö ba wanga'azökhi angowuloa li Niha (Wikipedia Nias) irege aheta ba zosou'a, baero wa'omuso dödö silö su'a-su'a me halöŵöra no mowua ba hiza tenga halöŵö zi samösa, si darua, si dafulu, ba zi ha dauga, hiza no halöŵö zato. Fanötönara ya'ira si no oföna mame'e inötöra, lamane ha wa omuso dödöma, na oi tahalö mbagiada zamösana ita, me halöŵö da'a, halöŵö zato. Ba ndröfi da'a ma döfi si dua ngahönö a dua wulu a sara (2021), manötöna ira ena'ö monönö zanura ba Wikipedia Nias, ba no idugu afönu ma monönö wa'oya ngawua zinura li niha si tola moguna dania ba zangalui ya'ia ba wuka ba gu'ö.