Familu ba Danö Niha 2020

Tanö Niha no tenga ha sambua kabufate, no tobali öfa kabufate, yaia da'ö : Kabufate Nias Utara, Kabufate Nias, Kabufate Nias Barat, Kabufate Nias Selatan. Ba Kabufate Nias "petahana" lö fao ba wamilu, sakali da'a. Na lö fa'atewu'a ginötö, ba ngaluo si siŵa ba mbaŵa si felendrua dua ngahönö a dua wulu (9 Desember 2020) la falua wamili kafalo mbanua ma lamane ba li khöda familu, ma bufati ba wo fatörö banua ba zi ha'uga fakhe fönada i'otarai 2021 - 2024.

Famanura'ö töi

Nias Utara

Me luo ngaluo si lima baŵa si siŵa döfi si dua ngahönö a dua wulu (5 September 2020), no lafasura'ö döira ya'ira sedöna möi ba watörö tanö si so ya'ira. Simane ba Nias Utara, no lafasura'ö döira ira Amizaro Waruwu faoma Yusman Zega la tötöi ma lakaoni AMAN. Ya'ira möi lafasura'ö döira ba naha KPU (Komisi Pemilihan Umum) samalua ba so hörögö dania hewisa wamalua wamili ba ginötö si no latatugöi. Mahemolu nia ba tohare göi Fonaha Zega faoma Emanuel Zebua (FODELA) si lö mangoguna'ö faratai ba wo fasao yaira ba gurusi wamatörö, so göi ndra amada Ingati faoma Otorius (INOTO).

Ya'e döira sedöna tobali samatörö ba Nias Utara

Töi Zedöna Tobali Bufati	Lakaoni	Dadaoma	Daerah/banua	Faratai
Amizaro Waruwu	AMAN	Bufati	Nias Utara	PAN, Hanura, PKPI, Nasdem
Yusman Zega		Waki Bufati
Fonaha Zega	FODELA	Bufati		Jalur Independen
Emanuel Zebua		Waki Bufati
Ingati	INOTO	Bufati		Partai Golkar, PDI Perjuangan, Demokrat dan Gerinda.
Otorius		Waki Bufati

Nias Induk

Ba Nias Induk ba no so göi döi zino la fasura'ö ya'ia da'ö : Arosokhi Waruwu. SH & Asaldin Gea, ni falua ba gödo KPUD, Jalan Pancasila – Hiliweto, Kecamatan Gidö. Rabu (16/9/2020) tanö owi.

Sahari fatua lö lafasura'ö döira ira AW ba AG, no göi so zino mamanura'ö töira ya'ia da'ö Mayjen TNI (Purn) Christian Zebua & AKBP (Purn) Anofuli Lase, nifalua ba gödo KPUD, ba Jalan Pancasila – Hiliweto, Kecamatan Gidö. Salasa (15/9/2020) tanö owi.

So göi fasanga : Enanoi Dohare. SH & Yulius Lase. SE. si no ma masura'ö töira ni falua ba gödo KPUD, Jalan Pancasila – Hiliweto, Kecamatan Gidö. Rabu (16/9/2020) badalu luo.

Ya'e döi ndra amada sedöna tobali samatörö ba Nias Induk

Töi Zedöna Tobali Bufati	Lakaoni	Dadaoma	Daerah/banua
Arosokhi Waruwu. SH		Bufati	Nias Induk
Asaldin Gea		Waki Bufati
Mayjen TNI (Purn) Christian Zebua		Bufati
AKBP (Purn) Anofuli Lase		Waki Bufati
Enanoi Dohare. SH		Bufati
Yulius Lase. SE		Waki Bufati

Nias Barat

Ba Nias Barat, so tölu fasa zi fasai ba wo dadao ba naha wamareta. So "petahana" Faduhusi Daely faoma Yamotuho Gulö, so Khenoki Waruwu faoma Era-era Hia ba fasanga Eliyunus Waruwu faoma Mareko Zebua. Ya'ira andrö fefu ba oi si no faoma fao wohalöŵö ba zino numalö. Ba fanötöna niha mbanua, fokonia ena'ö mo azökhi mbanua, ba sökhi lala wauri fefu nono mbanua. No lafasura'ö döira ba naha wamanura'ö töi.

Ya'e döi ndra amada sedöna tobali samatörö ba Nias Barat

Töi Zedöna Tobali Bufati	Lakaoni	Dadaoma	Daerah/Banua
Faduhusi Daely		Bufati	Nias Barat
Yamotuho Gulö		Waki Bufati
Khenoki Waruwu		Bufati
Era-era Hia		Waki Bufati
Eliyunus Waruwu		Bufati
Mareko Zebua		Waki Bufati

Nias Selatan

Ba Nias Selatan ba wamilu sakali da'a ba ngaluo si siwa ba mbawa si felendrua dua ngahönö a dua wulu (9 Desember 2020), ha dua fasanga yaia da'ö Hilarius Duha faoma Firman ba ba zitambai so fasanga Idealisman Dachi faoma Sozanolo Ndruru.

Ya'e döi ndra amada sedöna tobali samatörö ba Nias Selatan

Töi Zedöna Tobali Bufati	Lakaoni	Dadaoma	Daerah/Banua
Hilarus Duha		Bufati	Nias Selatan
Firman		Waki Bufati
Idealisme Dachi		Bufati
Sozanolo Ndruru		Waki Bufati