Falafu
Falafu, lafu, sambua mai-mai nifalua ba Danö Niha, nifalua ndraono sigide-ide ba he göi sibohou ebua. Fa (lafu) ba sambau mai-mai somasi sibai ndraono wolau yaia. Ba no arakhagö taya sa'ae meno oya mai-mai tanö bö'ö.
Lala wamaisania[bulö'ö | bulö’ö kode]
Lafu, falafu andre ba no arakhö lö lalau sa'ae iraono ba danö niha, me no oya manö mai-mai tanö bö'ö. Lala wamalua mai-mai lafu/falafu andre, tola samösa lawa samösa ba tola göi sambua ngafu töra moroi ba zisamösa. Sifamai ba lahalö gara ra ba lafazaumba föna ba döla (garis/line) si no la tatugöi. Fazaumba kara da'ö ba wangalui haniha ziföföna wa mörötaigö.
Aefa da'ö nano so zi'oföna, ba lafasindro gara lawa, ba la börötaigö la tendre. Lala wanendre, la be'e gara yawa ba dete gahe, ba lafazaule föna irege aso'a tou gara lawa. Nano latendre, ba iada'a lafatö'ö hulu ba wanga'i kara si no lafasindro.[1]
Simöna ba lafu, ilu'i ia si kala. Mai-mai da'a no fondrege wa'omasi ndraono, ba oya göi gunania ba wangosara'ö fahasara dödö ba wolohi fa'amöna.
Umbu[bulö'ö | bulö’ö kode]
- ↑ Harefa,Yas, dkk."Permainan Rakyat dan Olahraga Tradisional Nias di Kota Gunungsitoli" Archived 2020-09-16 at the Wayback Machine. Dinas Pariwisata dan Kebudayaan Kota Gunungsitoli (2019) nga'örö 27-29