Föria

Moroi ba Wikipedia
Föria (Peria)
Peria
Klasifikasi ilmiah
Kingdom:
Divisi:
Kelas:
Order:
Famili:
Genus:
Spesies:
M. charantia
Nama binomial
Momordica charantia
Descourt.
Sinonim

Sumber:[1]

  • Cucumis africanus Lindl.
  • M. balsamina Blanco.
  • M. balsamina Descourt.
  • M. cylndrica Blanco.
  • M. jagorana C. Koch.
  • M. opergulata Vell.
Sambua charantia Momordica afönu dombua, no la sila dombua, ba dombua zi no labokai ma ba li Indonesia lamane penuh dengan dua dibelah dua dan dua penampang

Föria, sambua zinumbua nitanö ba auri ba danö ba zi sagörö Danö Niha. Föria andre, no fao gangolifa zinanö nibali'ö bulugeu ba Danö Niha. Lö dozi niha omasi wemanga ya'ia me rasonia afeto. Ba Li Indonesia Föria andre asese latötöi ia ya'ia da'ö; Peria mazui pare sinanö sanana si so ngenge, ni'ila mbörötania moroi ba danö Asia Tropis, si'oföna sibai moroi ba danö India fetaro gaekhula, ya'ia da'ö tanö Assam faoma Burma.[2] Angolifa sifao ba labu ma suku labu-labuan mazui ba li wamahaö lamane Cucurbitaceae sito'ölönia lafaliaro nibali'ö bulugeu faoma ngawalö zifakhai ba dalu-dalu.[3] Töi Momordica si no tefaböbö ba döi binomialnia na lafo'eluaha ia ya'ia da'ö "fangusu" ma "gigitan" samaehagö sifakhai ba ngai mbulunia sosagi-sagi zihulö lahe ni'usu.[4]

Fanötöi Föria ba Mbanua Bö'ö (Nama-nama lokal)[bulö'ö | bulö’ö kode]

Föria fanötöi ya'ia tenga hasambalö, hulö zimane ba Danö Niha, no lakaoni ia Föria. Ba mbanua Jawa Föria andre la'ila niha döinia ya'ia da'ö paria, pare, pare pahit, pepareh.[5] Ba Sumatra, Föria so zanötöi ya'ia simane prieu, fori, pepare, kambeh, paria.[5] Niha Nusa Tenggara lamane; paya, truwuk, paitap, paliak, pariak, pania, faoma pepule, na ba Sulawesi, latötöi faoma fogaoni; poya, pudu, pentu, paria belenggede, faoma palia.[5]

Famatunö Föria ba sifakhai ba Wamahaö (Pemerian dan ekologi[bulö'ö | bulö’ö kode]

Föria auri sanana ma songenge, ba hiza ifangamöi ia hulö nifanigaolo ma li Indonesia lamane membentuk sulur spiral

Föria ya'ia da'ö simane si no tefaehagö moroi yaŵa bada'ö, sambua zinumbua sanana ma si so ngenge. Bua Wöria anau ba agatarö mbalö mbuania hulö mbawa garagazi ngai mbuania.[6] Föria andre auri ba danö si lö alaŵa sibai ma sadogo-dogo ba tola auri ba mbenua si lö la'odödögö labokai, ba tola auri ia ba mbolo mbenua hegöi ba newali föna nomo niha ba Danö Niha nifanöi ba zara-zara föna nomo.[7] Sinanö da'a manana misa ngengenia, ba no afangö-fangö huania.[8] Bulunia ha sambua-sambua ba hakhi ba fasaule-saule wa'atumbunia, fa'anaunia so ba zi 3,5 - 8,5 cm, fa'ebolo 4 cm, ba mbörö hakhi hulö gambara dödö, la'a-la'a mbulunia owuge'e simane bulugeu tanöbö'ö haya'i abölö tara.[5] Bowonia ha fasambua ba huge-huge, aganau huge-huge mbuania, takulania a'usö.[5] Buania owulo-wulo aganau, so ba zi 8-10 hakhi fatete, hulö mola-la'a, fa'anau 8–30 cm, afeto rasonia, owuge'e mbuania, na asoso, ba aruzö-ruzö.[5]

Fozawili, Ngawawa ba Fofaliaro (Persebaran, habitat, & perawatan)[bulö'ö | bulö’ö kode]

Föria oya ba danö tropis. Auri ba zalo'o, ba itaria tesöndra ba mbenua si tenga ni'odödögö nifaliaro, auri föna nomo ena'ö tola lahalö mbuania. Sinumbua da'a lömoguna khönia oya göna ia sino. Alio sibai atabö na ba nahia so ndrundrumö haga zino.[1] Tanömö wöria tola lahalö moroi ba hunö mbuania si no asoso ma atua. Aefa da'ö, lafazaewe hunönia ba danö nibe'e ba garateangi ma polypot tola ba wa'ebua nahania ba zi 8–12 cm, fo'ösi khönia danö si sökhi, ba be'e 2-3 ngawua hunönia. Tanönia andre ena'ö lö aetu abazö-bazö irugi molewiö danömö andrö. Na no so khönia 2-4 nga'örö mbulunia, röi sambua ba döni danöbö'önia. Fawu'a ia ba danö zedöna latanö ia, hawui ia idanö, ba balugö ia faoma hawu-hawu garagazi.[9] Ba hiza, Föria sifao ba gangolifa föria gajih abölö sökhi na latanö ia ba danö so gawu-gawu. Sito'ölönia latanö ba newali föna nomo, ba na tola la fosagö ena'ö lö alio mate wöria andre.[10]

Lala tanöbö'ö ba wananö Föria andre ya'ia da'ö, lakhao danö fa'abakhania ba zi 1– 2 cm ba labe'e khönia ma to dombua khönia bakha hunö Wöria andrö ba aefa da'ö labalugö faoma tanö si sökhi. Faneu bua Wöria na no irugi 2 wawa, ba tola lafuli lateu mbuania ero migu. Föria gajih latanö ia ma tanömönia moroi ba hunö. Ba ginötö lafazaewe danömönia na tola fawiyoisi ia faoma awu nawu. Da'a nifalua, me tebai asala latanö wöria andre.[10] Ngenge wöria lafangamöi wanana ngengenia ba döla-döla hare-hare si no lahenagö. Na börö ngengenia töra moroi ba zi 10 nga'örö, guti mbute-bute mbulunia ena'ö sihene lö auri moroi ba ngenge moroi ba mbörönia. Na no laguti, ba molewiö zibohou. Na lö atö alua deu ba ginötö sara ma'ifu, la'odödögö ba wo hawui ero inötö wöria andre, ena'ö lö aetu abazö-bazö ia. Na no so khönia mbowo, awena ba da'ö la be'e khönia wangatabö. Fame'e fangatabö, tebai oya sibai, börö ha dania bulu zoya, ba buania ambö oya. Fangatabö tola lafalua ba zi dua kali ba zi dombua migu.[9] Na no oroma mbuania, na tola la balugö ia faoma karate'angi ena'ö lö i'a ia mumu. Na no aefa 3 waŵa, tola lateu mbuania.[10] Tandra na no tola niteu mbuania, ya'ia da'ö no ogobu'u faoma mo'idanö ia, aefa da'ö fera'ö dalu mbuania, ba na abe'e atö, böi ösö teu ia, me da'ö dandra wa awuyu nasa mbuania.[9] Teu mbua Wöria andre fatua lö a'usö la'a-la'ania, da'ö dandra wa no atua ia. Bua si no a'usö, tola lahalö hunönia sitobali tanömö. Na no a'usö mbulunia, ondröni'ö Wöria andrö, me lö sa'ae tola mowua ia.[9]

Fangoguna'ö (Kegunaan)[bulö'ö | bulö’ö kode]

Bua Wöria si no larino nifaehagö si no tola la'a ma ba li Indonesia lamane; disajikan sebagai masakan khas Asia dengan kombinasi rempah-rempah.

Ba negara Asia Timur, simane ba mbanua Jepang, Korea, faoma Cina, Föria la'oguna'ö ia sitobali dalu-dalu, simane dalu-dalu sifakhai ba mbetu'a, dalu-dalu ena'ö muta, ba no oya zi no lahaogö ba zikhala ngawua.[11] Bua wöria so khönia misa albuminoid, karbohidrat, faoma pigmen. Bulunia sokhönia momordisina, momordina, carantina, resin, faoma fanikha. Tenga hada'ö, wa'a wöria so misa khönia asam momordial faoma asam oleanolat, na ba hunönia so khönia misa nifotöi saponin, alkaloid, triterprenoid, faoma asam momordial.[12] Föria tola göi möi famokai mbetu'a niha, tola mamadöhö fökhö sa'usö ma penyakit kuning, mangalösö betu'a, faoma tola möi dalu-dalu malaria.[13] Baero da'ö, Föria göi mangadono beta-karotena mendrua kali abölö ebua moroi ba brokoli irege tola möi fanahö wökhö kanker ba mangalösi fa'agöna fökhö tödö ma serangan jantung mazui infeksi dungö ma virus.[11] Bulu Wöria tola göi mamadöhö fa'ombuyu dalu ndraono sawuyu, mangalösöi do ndra ina-ina sawena awai tetabi, mangalösi fa'aŵa wa'aukhu (demam), mamunu boyo (cacing kremi), faoma tola mamadöhö eha.[13]

Bua Wöria safeto andre, lahaogö ma larino labali'ö bulugeu, simane gado-gado, pecel, rendang, ma zui lagule.[6] Ba Cina Föria lahaogö labali'ö simane fondrino tausi, tauco, nagole zawi, faoma lada irege rasonia idugu ami, ba itaria lafaruka ia faoma nagolu faoma tofu, na ba Jepang, Föria sambua wamalala gö ni alui niha, me mozökhi ba wa'owaöri niha, nihaogö lafokua (sup), tempura, mazui nifo'asio ma latötöi ia asinan mbulugeu.[11]

Inuse Lö sawai mufazökhi zura andre. Mutötöna ena'ö böi labulö'ö gasa-gasa so templat da'a.

Umbu[bulö'ö | bulö’ö kode]

  1. 1,0 1,1 Dalimartha, Setiawan (2008). Atlas Tumbuhan Obat Indonesia. 5. hal.121 & 131-136. Jakarta: Puspa Swara. ISBN 978-979-1480-18-5.
  2. Rospita (2002), Peri Kehidupan Tanaman Lobak(Rapharus sativus), Tasikmalaya: Program Studi Pendidikan Biologi Fakultas Keguruan dan Ilmu Pendidikan Universitas Siliwangi, hlm. 1 
  3. Sriutami, Sinta (2008), Efek Pemberian Tepung Buah Pare (Momordica charantia l.) Terhadap Profil Lemak Serum Darah Tikus (Rattus norvegicus), Bogor: Program Studi Ilmu Nutrisi Dan Makanan Ternak Fakultas Peternakan Institut Pertanian Bogor, hlm. iii 
  4. (en)Sathish Kumar, D. (Maret-April). "A Medicinal Potency ff Momordica Charantia" (PDF). International Journal of Pharmaceutical Sciences Review and Research. 1 (2): 95–100. ISSN 0976 – 044X. Mufaigi me 15 Juni 2010. 
  5. 5,0 5,1 5,2 5,3 5,4 5,5 Situs Sentra Informasi Iptek: Pare Archived 2011-08-23 at the Wayback Machine diakses 15 Juni 2010
  6. 6,0 6,1 "Situs Pustaka Departemen Pertanian: Usaha Tani Tanaman Pare" (PDF). Arsip moroi versi asli (PDF) irugi 2010-11-21. Mufaigi me 2010-05-11. 
  7. Sudarsono, D. Gunawan, S. Wahyono, I.A. Donatus, dan Purnomo. 2002.Tumbuhan Obat II. Yogyakarta: Pusat Studi Obat Tradisional UGM.
  8. Dwi Hastuti Qodari.2009. Formulasi Tablet Hisap Ekstrak Daun Pare (Momordica charantia L.) Menggunakan gummi arabicum Sebagai Bahan Pengikat Secara Granulasi Basah. Surakarta: Universitas Muhammadiyah Surakarta. Hal. 3
  9. 9,0 9,1 9,2 9,3 Iritani, Galuh (2012). Vegetable Gardening:Menanam Sayuran di Rumah. hal.77Templat:Spaced ndash78. Yogyakarta:Indonesia Tera. ISBN 979-775-159-7.
  10. 10,0 10,1 10,2 Soeseno, Slamet (1985). Sayur-Mayur untuk Karang Gizi. hal.48-49. Jakarta:Penebar Swadaya.
  11. 11,0 11,1 11,2 Sifasala: Tag <ref> tidak sah; tidak ditemukan teks untuk ref bernama suara
  12. Situs Davit Herbal: Manfaat Tanaman Pare diakses 18 Mei 2010
  13. 13,0 13,1 Tati S.S. Subahar, Shuhaidawati Idayu.2007.Khasiat dan Manfaat Peria. Synergy Media Books.