Eduard Fries

Eduard Fries (* 1877 ba Barmen, + 1923) no samösa falito Protestan sohalöŵö ba Danö Niha moroi 1904 irugi 1920. Me 1902 fao ia tobali awö ba Rheinische Missions-Gesellschaft (RMG) ba Barmen, Jerman, sambua orahua samatenge niha ba wanuriagö Taromali ba mbanua bö'ö. Lö ara aefa da'ö me 1903 tohare ia ba Sumatra ba 1904 ba Danö Niha. Ibörögö halöŵö misi ba Zifaoro'asi. Aefa da'ö awu'a ia me 1913 lumalö ba Gombölata ba wamörögö zekola ndra fandrita ba Danö Niha.^[1]. Lö ara aefa da'ö tetuyu ia göi tobali högö sondrönia'ö misi Protestan ba Danö Niha. Me 1920 möi ia manörö ba Jerman me no 17 fakhe iröi Jerman. Ba hiza ba ginötö we'asonia ba Jerman latuyu ia tobali direktur RMG, irege tebai mangawuli ia ba Danö Niha sa'ae. Tölu fakhe aefa igogohe halöŵö andre mate ia me 1923.

Umbu

↑ Mai Lin Tjoa-Bonatz, Idol and Art: Missionary Attitudes toward Indigenous Worship and the Material Culture on Nias, Indonesia, 1904-1920, nga'örö 106, bakha ba Thomas David DuBois (ed.), Casting Faiths, London, 2009, ISBN-13: 978-0-230-22158-1, nga'örö 105-128 ((Li Inggris))

[1] Mai Lin Tjoa-Bonatz, Idol and Art: Missionary Attitudes toward Indigenous Worship and the Material Culture on Nias, Indonesia, 1904-1920, nga'örö 106, bakha ba Thomas David DuBois (ed.), Casting Faiths, London, 2009, ISBN-13: 978-0-230-22158-1, nga'örö 105-128 ((Li Inggris))

[1]