Dubala

Dubala, ya'ia da'ö samösa niha si no lahonogöi ira satua ma salaŵa sohalöŵö ba mbanua ba wanohu tanga ma tenge-tenge na hada'ia nifa'ema khö nono wo banuasa, khö nono wobarahao, mazui nifatenge ba mbanua bö'ö ba wame'e ma bawamaondragö hadia ia, ma ya'ia zimöi ba wolohe turia. Dubala andre na ba ginötö iada'a ia, hulö zohalöŵö ba Kantor Pos ma zui simane samasao gama-gama misa, laŵa'ö ia ba Li Indonesia Kurir. Dubala ba danö niha, niha saoha beka, somasi niha mbanua. Dubala ba ginötö wangosawuyu niha Balandra ma Ulöndra so dua ngawalö Dubala Zoi (sohalöŵö nifataro Tuhezoi/Salaŵa ba zi sambu-mbanua banua misa), ba so göi Dubala Öri (sohalöŵö nifataro Tuhenöri ba zisambu-sambua Öri).