Alitö

Alitö ma Galitö (Li Indonesia api, Li Inggris Fire) ya'ia da'ö samatumbu'ö fa'akhozi mbotoa sombaliö akho ma tobali awu. Hezo nitörö galitö ba so zakhozi ba so göi zi lö akhozi. Alitö ifatumbuö hola-hola ba ifatumbuö göi simbo.

Tanömö galitö

Ba Danö Niha ba ginötö meföna tanömö galitö fatua lö so gafi'afi (Li Indonesia korek api, Li Inggris match) la'ogunaö niha mbanua nifotöi "Fuyu". Fuyu tehaogö moroi ba zidua rozi mbalö geu olalu ma zui ma'usö, sara la-toto abolo-bolo fa'anaunia mato sara ta'io ba lakgao ma'ifu dalunia, ba sisara moroi ba geu sabe'e simane famuwu, siholi, btn, la-toto ni'owulo-wuloi'ö fa'esolonia mato yai-turu sebua, fa'anaunia mato sambua si'u la'atarö'ö mbalö tanö tou. Moguna zinali ba wamuta enaö alio wa'atefuta mbalö geu sowulo-wulo nifadagö ba dalu geu sabolo-bolo nomege, aukhu mbalönia ba bada'ö kalua galitö sitola mufaewua'ö.