Afia (sinumbua)

Afia no töi ngawalö geu sauri ba Danö Niha. Tölania abe'e, bulunia aganau-nau ba awe'e-we'e, singa mbulunia alösö. Na mufatö ma na mutandraölö mbulunia ba möi baero hua si sökhi hulö hua wangomuhua mboto. Börö da'ö asese lahalö mbulunia me föna ba wangomuhua fanikha sami. Lahalö sagörö mbulu gafia ba la'ungu bakha ba wanikha sami si so ba mboto-boto andrö, irege fanikha sami andrö tola lö aböu fa'önö waŵa wa'ara.

Baero da'ö tola göi tobali dalu-dalu zi tefengo mbulu hadia andre. Na tefengo niha ba lahalö mbulu gafia sawuyu, latandraölö ba lazozo nikhu zi tefengo. Sito'ölönia lö ara ba tebato wendro nikhu andrö.

Ma'ökhö arakhagö lö tesöndra geu afia, börö me asese la'obö ba fao ba wanunu na lahaogö naha gowi ya'ira sowenua.