Whatsapp

Moroi ba Wikipedia
Ae ba navigasi Ae ba wangalui
WhatsApp
WhatsApp logo.svg
Bolokha gu'öwww.whatsapp.com
Bosi Alexa 52 (Templat:Asof)[1]
Lisensi konten
Perangkat lunak gratis
Bahasa pemrogramanErlang[2]
WhatsApp Inc.
WhatsApp.svg
Jenis usahaAnak perusahaan
Tefasindro24 Februari 2009; 13 fakhe ba zi lalö (2009-02-24)
Tuhe gödoMountain View, California, Amerika Serikat
Samasindro
CEOChris Daniels
Sohalöŵö50[3]
Ina perusahaanMeta Platforms
Bolokha gu'öwww.whatsapp.com
Mama'ohe'ö turia faoma WhatsApp

WhatsApp Messenger ma asese laŵaö manö WhatsApp ba asese te'adogo'ö WA no sambua aplikasi media sosial ba smartphone (hape) ni'oguna'ö niha ba wama'ohe'ö turia he faoma sinura ba he göi faoma gambara awö video. Baero da'ö tola te'oguna'ö ia göi ba wama'ohe'ö berkas komputer ma zui ba wahuhuosa si hulö na fatelepon ma zui fahuhuosa faoma video.[4] Ena'ö tola aktif WhatsApp, moguna tefaböbö ia ba zi sambua nomoro hape. Bahiza tenga simane turia SMS nifa'ohe'önia. Ena'ö tola mufa'ohe'ö duria, moguna tokhai hape ba gu'ö (internet) he faoma data 3G, 4G, 5G ba he göi faoma WiFi.

Waö-waö (Sejarah)[bulö'ö | bulö’ö kode]

2009-2014[bulö'ö | bulö’ö kode]

WhatsApp nihaogö zotöi Brian Acton faoma Jan Koum, fatua lö lahaogö wakake zoguna ba hape andre, ba ya'ira so halöŵö ba Yahoo!. Ba mbaŵa si sara ba ndröfi si 2009, me la'öli sambua App Store(iOS), Koum faoma Acton teboka wangera-ngerara wa so khöra ginötö ba wangahaogö ngawalö wakake ni'oguna'ö ba hape andrö. Aefa da'ö la falukhaisi Alex Fishman awö Koum sitoröi ba West San Jose ba wamatunö hewisa zikhala wakake sedöna lahaogö si tola mama'oheö ngawalö duria ba zi samösa niha ba si tola mangahaogö wetaro zokhö wakake andrö (ma tola lasura wetaronia iada'a).[5] Ya'ira andre, la'ila wa ba wamörötaigö wangahaogö wakake andre, moguna zodou'ö iPhone. Fishman ihalö ginötönia ba wangondrasi gu'ö RentAcoder.com, ba i'ila so zondrou'ö fakake (developer) niha Rusia sotöi Igor Solomennikov, ba i falukhaisi khö nawönia sotöi Koum.

Koum ibe'e döi wakake andrö ya'ia da'ö WhatsApp ena'ö terongo hulö "What's up" so eluaha hadia duria. Ba ngaluo si dua wulu a öfa ba mbaŵa si dua döfi si 2009 (24/2/2009) ba i fazaewe ba zato[6] hiza fakake andre tobali sambua perusahaan ni be'e töi WhatsApp Inc. ba California. Versi si'oföna moroi ba WhatsApp asese crash komputer, irege Koum andre ibörögö lö ibe'e dödönia, ba no sa'ae tumbu ba dödönia wondröi fakake da'a ba i'alui halöŵönia sibohou. Ba hiza awönia sotöi Acton irara dödönia ena'ö ibaloi ba zi ha'uga waŵa tö.[5]

Ba mbaŵa si önö döfi si 2009 (Juni 2009), Apple la fatunö wa so zibohou khöra push technology si tola la susugi niha bö'ö ma la -ping na lö ya'ira ba zisambua fakake, Koum ibörögö ifaigi wa sökhi sibai wakake da'a, irege ba WhatsApp ihaogö hewisa zi samösa niha samulö'ö status tefaunö khö niha bö'ö sifakhai khönia ba numero hape.[7] Me inötö WhatsApp 2.0 la ehaogö faoma komponen fama'ohe'ö turia, hiza sangoguna'ö fakake andre ha ba zilö ara sibai irugi 250.000 niha. Hewa'ae Acton ilau mohalöŵo ba naha danöbö'ö, ba ihalö gangetolu fao ia ba perusahaan.[7] Ba mbaŵa si fulu döfi si 2009 (10/2009), Acton ikaoni nawönia da lima wa'ato awönia ba Yahoo! ena'ö la be'e wanolora ma investasi fa'ebua $250.000 si tobali foko ba wakake nihaogöra andrö, hiza Acton tobali co-founder ba tebe'e khönia saham. Acton fao ia ba halöŵöra andre i'oroi me ngaluo si sara baŵa si felezara (1 November).[7] Meno sa'ae ba zi ha'uga waŵa aefa lafazaewe ba gu'ö, aplikasi tefazaewe ba mbaŵa si felezara (November 2009), eksklusif ba App Store si so ba iPhone. Koum ifohalöŵö samösa nawönia ba Los Angeles, Chris Peiffer, ba wangehaogö versi BlackBerry, sawai dua waŵa aefa da'ö.[7] Ba ndröfi si 2010, WhatsApp oya zomasi mowöli moroi ba Google ba hiza lö latema.[8]

Lala ba wangalui hewisa wamu'a ngawalö okosi ni'oguna'ö zangoguna ba wama'ohe'ö turia ba gu'ö, WhatsApp ifawu'a moroi ba zi lö mobai hadia ia, ba hiza ia da'a mo bai. Ba mbaŵa si felendrua döfi 2009 (Desember 2009), menu wama'ohe'ö gambara lanönö ba versi iOS. Ba ndröfi sibohou ba ndröfi si 2011, WhatsApp sambua moroi ba wakake soya, ma sambua ba gotalua 20 wakake si so ba App Store Apple Amerika.[7]

Tandra duria (Tanda pesan)[bulö'ö | bulö’ö kode]

WhatsApp so khönia dandra duria na no tefa'ohe'ö.

  • Na sambua dandra centang (berwarna abu-abu) eluahania turia no tefa'ohe'ö.
  • Na dombua dandra centang (berwarna abu-abu) eluahania no itema khö niha nifa'ohe'ö, hiza lönasa nibasonia
  • dua dandra centang so la'a-la'a owuge'e (berwarna biru) eluahania, turia nifa'ohe'öda no tebaso.[9] Apabila tidak ada koneksi internet, akan muncul tanda jam yang mengartikan pengiriman pesan tertunda.

Ngawalö Fitur[bulö'ö | bulö’ö kode]

WhatsApp tola mama'ohe'ö File simane:

  1. Gambara moroi ba koda hape, ba naha gambara ba hape.
  2. Video moroi ba video koda hape, ba naha gambara ba hape.
  3. Audio ma famoli moroi ba hape, ba naha sangirö'ö ngawalö li.
  4. Nahia ma Lokasi
  5. Töi niha faoma numero hape si so ba hape

Fangoguna'ö (Penggunaan)[bulö'ö | bulö’ö kode]

WhatsApp andre, tola la'oguna'ö ba hape iPhone, BlackBerry, Android, faoma Symbian (Nokia). Aplikasi WhatsApp tola moguna ia ba zi fagölö mangoguna'ö ya'ia ba hapera zamösana ira. Tola la install ma la failo moroi ba playstore ba zangoguna'ö android, ba lö mangoguna'ö kefe, ma tola lahalö manö ia. Ba wangi'ila zangoguna'ö ya'ia tefaigi moroi ba numero hapenia, ba tefakhai ba data gu'ö. Whatsapp andre, tola la'oguna'ö ba wahuhuosa ha li nirongoda, ba tola gö takaoni niha bö'ö faoma gambarania, ma video. Baero da'ö, no sökhi sibai ia ba niha zasese mama'ohe'ö ngawalö nga'örö zura, irege lö sa'ae da li la raka zura andre, lafa'ohe'ö manö ya'ia ba Whatsapp. Fangoguna'ö ya'ia lö basaki sibai, me no so ba li Indonesia, ba tatötöna samuza ma'ökhö dania, no tola so ba versi Li Niha. Ba Danö Niha no fefu oi mangoguna'ö Whatsapp andre, ba no sambua aplikasi fanolo ba zangoguna'ö ya'ia.

Umbu[bulö'ö | bulö’ö kode]

  1. "Whatsapp.com Traffic, Demographics and Competitors - Alexa". www.alexa.com (dalam bahasa Inggris). Diakses tanggal 8 May 2019. 
  2. Ainsley O'Connell (February 21, 2014). "Inside Erlang, The Rare Programming Language Behind WhatsApp's Success". fastcompany.com. Diakses tanggal December 20, 2017. 
  3. Metz, Cade (15 September 2015). "Why WhatsApp Only Needs 50 Engineers for Its 900M Users". Wired. Diakses tanggal 2 August 2016. 
  4. Hartanto, AAT: " Panduan Aplikasi Smartphone", halaman 100.Gramedia Pustaka Utama, 2010. ISBN 100-6762-33-5
  5. 5,0 5,1 Parmy Olsen (February 2, 2014). "Exclusive: The Rags-To-Riches Tale Of How Jan Koum Built WhatsApp Into Facebook's New $19 Billion Baby". Forbes. Diarsipkan dari postingan aslinya February 20, 2014. Diakses 26 Maret 2021
  6. "Article of Incorporation on California's Secretary Of State website". February 24, 2009.
  7. 7,0 7,1 7,2 7,3 7,4 Parmy Olsen (February 2, 2014). "Exclusive: The Rags-To-Riches Tale Of How Jan Koum Built WhatsApp Into Facebook's New $19 Billion Baby". Forbes. Diakses 26 Maret 2021
  8. Neeraj Arora (July 3, 2020). Neeraj Arora on learnings from his WhatsApp journey. Accel India. kutipan pada menit ke-19.
  9. "Apa artinya tanda centang biru di pesan WhatsApp?". Diarsipkan dari versi asli tanggal 2016-03-06. Diakses tanggal 2015-01-13.