Taman Ya'ahowu

Moroi ba Wikipedia
Gambara Taman Ya'ahowu (Panorama View)

Taman Ya'ahowu, sambua naha si no lahaogö ira samatörö ma famareta tobali si so ba Gunungsitoli, Kabupaten Nias. Me itörö ndruru danö, si ŵalu koma fitu (8,7) Magnitudo, me luo dua wulu mbaŵa si tölu döfi si dua ngahönö a lima (20 Maret 2005), bözi felezara aefa fele lima (23.15) ba zibongi, oya zi tekiko, ato zimate, ba no fa'abu dödö zanörö Tanö Niha meluo da'ö. Moroi ba zalua andre, irege me no toföfö ia, ba no mozaŵa-zaŵa ma'ifu ba wo föfögö hewisa ba wo fangamöi fefu si no tekiko andrö. Fagohesa tanga fefu niha, ba lö ara si'ai ba no tola to föfö. Waha-waha nomo sitekiko, sambua fökhö ba wamareta meluo da'ö, hezo la fazaumba, ba hiza me möi gubernur ba Danö Niha, ba itema li samösa zohalöŵö ba wamareta fetaro samaondragö ira amada andrö ba wa'atoharera ba wamareso ndruru danö andrö, imane ta fazaumba ba ngai nasi (pantai) gamaudu fasa lagundri, ba fatema ba dödö namada gubernur meluo da'ö, ba dödönia ha hulö möi fanimbu ya'ia sitobali fangazökhi monönö wa'ebolo danö ba mbewe nasi ba Gunungsitoli.

Lö ara aefa wa'abu dödö da'ö ba mohalöŵö fefu niha, ba tohare göi wanolo moroi ba NGO ba wangahaogö Tanö Niha, ba hiza no mozökhi, fefu zasao no mege, ba lafadaya, ba no tola lafuli la fasindro khönia ngawalö gödo ma omo. Ba moroi ba naha zasao da'ö iada'a no sambua naha sibaga sibai ba Gunungsitoli, nibe'e töi Taman Ya'ahowu. Lö mu'odödögö sibai wamalua ya'ia ba hiza fagohesa danga ndra samatörö, no möi fa'asökhi ba mbanua ba Gunungsitoli, Kabupaten Nias. Taman Ya'ahowu, sambua naha solohe fangi'ila niha sato, he si so ba hulo Tanö Niha, ba simanö göi niha simöi ba da'ö soroi mbanua soi bö'ö moroi sa. Ba me döfi dua ngahönön a felewitu (2017) no la'oguna'ö ba zi'oföna sibai ba tehöngö ba zifasui, börö meluo da'ö lafalua Fahulösa Ya'ahowu (festival Ya'ahowu), ba wondröni tödö nono mbanua, ba no iada'a, no sambua naha ohitö dödö, na no örugi Danö Niha, ba nalö simöi'ö ba Taman Ya'ahowu, hulö zilö sangawuli ndra'ugö. Naha safökhö aröu ba duduma hörö, ba adöni dödö, me tola möi naha wakodasa sitobali fanörötödö, ba zi so miföna na anau ginötö.[1]

Umbu[bulö'ö | bulö’ö kode]

  1. Aroziduhu Gulö, Adrianus (3 Juli 2018). "Sedikit Cerita soal Cikal Bakal Taman Ya'ahowu". KabarNias.Com, Inspirasi Ono Niha, mufaigi me 4 Pebruari 2021