Sigöri lafau

Moroi ba Wikipedia
Sigöri Lafau moroi ba Danö Niha
Hörö Laeduru Sigöri Lafau

Sigöri lafau sambua döi gara ni oguna'ö tobali hörö laeduru si no tehöngö ba zi sagörö soi ba Indonesia. Ba zi ha'uga fakhe si no numalö, arakhagö dozi banua ba Indonesia no akhari-khari dödö ba wangokhögö gara ni bali'ö hörö laeduru. Oya la'a-la'a, ba hiza ba Danö Niha sambua hulo sokhö hörö laeduru si sökhi sibai. Ebua mbölinia, me sökhi la'a-la'ania hewa'ae iada'a no okafu höngö-höngönia, ba so manö nasa zomasi mangirö'ö hörö laeduru da'ö. No oya mozawili sigöri lafau ba mbanua niha bö'ö misa, me inötö muhöngö ba mböröta na ato zowilö moroi ba Danö Niha. Molo'ö fangombakha ba zanöndra kara andrö, sigöri lafau tehalö moroi ba nungo nidanö Mida si so ba Kecamatan Alasa, Kabupaten Nias Utara.[1]

Guna hörö laeduru[bulö'ö | bulö’ö kode]

Turia hörö laeduru si no tehöngö ba zi sagörö Tanö Niha ba hegöi ba zi sagörö Indonesia me döfi si dua ngahönö a fele lima, fefu niha omasi mangokhögö hörö laeduru andrö, me möi fa'asökhi ba duru yamendrua na hörö laedurunia sambua hörö laeduru si tehöngö, no sambua fa'amoadu ba zamake ya'ia. Tebai ni timbagö na so bagotalua zamake laeduru andrö so khöra wa a farisayo wa so wa'abölö ba laeduru nifakera. Hiza tenga ni odödögö ia, me mozaewe misa duria, i'otarai mbanua si sambua ba mbanua tanö bö'ö. Ba si no la fareso ira sangodödögö ba wamaigi hadia sibai zi so ba gara ni bali'ö hörö laeduru andrö, ba la söndra wa tenga ha fa'abölö moroi ba zogömi-gömi simane sino la farisayoi niha misa, hiza no tola la fatunö sifao famareso sitola itema fangera-ngera niha, simane kara sotöi Moss Agate la'a-la'ania hulö Mömö, ba no la odödögö wa mareso wa so khönia misa mineral soguna ba mboto niha. Da'a moguna nasa ginötö ba zomasi mamareso hadia sibai zi so ba gara andrö.[2]

Umbu[bulö'ö | bulö’ö kode]

  1. Damanik, Caroline (3 Maret 2015). "Batu Akik "Sigöri lafau" dari Pulau Nias, di bandrol Rp. 15 Miliar", Kompas.Com, mufaigi me 2 Pebruari 2021
  2. Soebijoto, Hertanto (7 April 2015). "Inilah Penjelasan Ilmiah Khasiat Batu Akik", Wartakota.Tribunnews.Com, mufaigi me 2 Pebruari 2021