Oroisa

Moroi ba Wikipedia


Oroisa, no sambua nitöngi niha keriso, si no möi fangazökhi lala wa'auri, i'otarai me ibe'e goroisaNia andrö khö Moze ma khö ndraono Gizara'eli ofeta ma'ökhö. Moroi ba zifulu Goroisa Zo'aya, ba si sara ofeta si öfa, lala wa'auri ni fakhoi Zo'aya ba niha hewisa wa'ahötö khö Lowalangi somböi banua siyaŵa awö danö, ba oroisa si önö ofeta sifulu, ya'ia da'ö lala nitura ba wa'auri ba gotalua niha wa'auri ba gulidanö.

Oroisa molo'ö sura Moze[bulö'ö | bulö’ö kode]

So fulu ngawua goroisa Lowalangi baniha samati basangata'ufi ya Ia Sitesura bazura niamoni'ö ma ama bu'ula Li siföföna ( II Moze 20:1-17 ). imane bada'ö:

  1. Ya'odo Yehowa Lowalangiu, si no mangeheta ya'ugö ba danö Miserai andrö, moroi ba nahia wangosawuyu. Böi so khömö lowalangi tanö bö'ö, baero Ndra'o.
  2. Böi fazökhi khöu nadu, ba ma famaedo hadia ia, zi so si yaẅa ba mbanua, ba ma si so si tou ba gulidanö, ba ma si so ba nidanö, barö guli danö. Böi angalulu khönia ba böi fosumange ia, me no Lowalangi solohu Ndra'o, Ya'odo andre, Yehowa Lowalangiu, sanguhuku ngawalö golalöẅa ndra ama ba ndraono ba ba ma'uwu mitou irege tölu ba öfa nga'ötö, khöra si fatiu tödö khö-Gu, ba ba zangomasi'ö Ya'o awö zolo'ö oroisa-Gu, ba U'oroma'ö wa'omasi-Gu si lö mamalö-malö, irugi höngö nga'ötö.
  3. Böi tötöi döi Lowalangiu Yehowa ba zi lö sökhi, lö'ö sa zi lö Ihuku Yehowa zanötöi töi-Nia ba waya.
  4. Ame'egö tödö luo Sabato andrö, ba amoni'ö ia. Önö ngaluo mohalöẅö ndra'ugö ba öhalö halöẅöu fefu. Ba ero ngaluo si fitu, ba luo Sabato khö Yehowa Lowalangiu, ba böi babaya hadia ia halöẅö ba da'ö, he ya'ugö, ba ma onou matua, ba ma onou alawe, ba ma sawuyumö ira matua ba ma sawuyumö ira alawe, ba ma uriföu, ba ma si fatewu khöu ba mbanuami. Önö ngaluo sa mege khö Yehowa, ba womböi banua si yaẅa, awö danö, awö nasi, awö nösira fefu, ba ba luo si fitu, ba no molombase Ia. Andrö wa no Ifahowu'ö luo Sabato andrö Yehowa, ba no I'amoni'ö.
  5. Fosumange namau, awö ninau, ena'ö anau nosou ba danö, nibe'e Lowalangiu Yehowa khöu.
  6. Böi amunu.
  7. Böi ohorö.
  8. Böi anagö.
  9. Böi tobali samaduhu'ö faya ndra'ugö khö nawöu.
  10. Böi isö nomo nawöu. Böi isö wo'omo nawöu ba ma sawuyunia ira matua, ba ma sawuyunia ira alawe, ba ma saẅinia, ba ma kalidenia, ba ma hadia ia manö fefu, zi so khö nawöu.[1]

Umbu[bulö'ö | bulö’ö kode]

  1. Oroisa, "Sura Ni'amoni'ö", mufaigi me 20 Pebruari 2021