Ae ba nösi

Onozalukhuyöu

Moroi ba Wikipedia
(Saekhu moroi ba Onozalukhu Yöu)
Onozalukhuyöu

Onozalukhu You
Desa
Peta
Peta desa Onozalukhuyöu
NegaraIndonesia
ProvinsiSumatra Utara
KabupatenNias Barat
KecamatanMoro'ö
Fa'ebolo
 • Fefu3,78 km2 (1,5 sq mi)
Sowanua
 (2019)[1]
 • Fefu530 niha
 • Fa'afasösö140,21/km2 (360/sq mi)
Kode pos
22862
Kode Kemendagri12.25.04.200

Onozalukhuyöu no sambua desa ba Kecamatan Moro'ö, Kabupaten Nias Barat. Kodenia ba wamatörö Indonesia 12.25.04.2010.[2] Fa'ebolonia 3,78 km (kilo meter) ma 7,23% moroi ba wa'ebolo Kecamatan Moro'ö.[3] So ia ba dalu hili, simane si fagölötö banua ba zi sagörö Tanö Niha. Fefu nomo no tefa'oli fatahö-tahö ba so göi zi fasaule-saule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui.

Banua si faola khönia ya'ia Hilifadölö ba gatumbukha, Hilisörömi ba gaekhula, Sitölubanua Fadoro tanö raya, ba Orahilibadalu (Kecamatan Mandrehe Barat) tanö yöu. So mato 6 km wa'aröunia moroi dadaoma gödo Kecamatan.[4] Molo'ö data Kecamatan Moro'ö Dalam Angka 2020[5], so 530 niha ba mbanua andre. Ba gotalua da'ö so 259 ndra matua ba 271 ndra alawe.

Arakhagö oi sifatalífusö manö niha mbanua Nonozalukhuyöu. Oroma da'e ba mado niha mbanua si so irugi ma'ökhö andre. Arakhagö fefu ira mado Waruwu, heŵa'ae so göi zomado Gulö awö Hia. Na so mado bö'ö ba lö ato ira. Si to'ölönia da'ö ha sifatewu ma zui ira alawe nihalö tobali donga ndra matua niha mbanua Nomozalukhuyöu moroi ba mbanua bö'ö. Hiza'i fa'afabö'ö madora andrö ba lö tobali taha-taha ba wariawösa ba niha mbanua börö me fetarora no tefagölösi ba niha mbanua so'arota ma sangai ya'ira.

Ha dombua lala wangalui ba mbanua andre, ya'ia molaza ba mogai gitö. So sa ira zohalöŵö ba wamatörö ma zui sogale, bahiza lö ato sibai ira.

Ba mbanua andre so sambua zekola, ya'ia Sekolah Dasar Negeri.

So tölu Gereja si tefaböbö ba Mbanua Niha Keriso Protestan.

Niha mbanua Nonozalukhuyöu no nga'ötö zi Lima Ina. Fao meföna mbanua andre Nöri Moro'ö. Börö da'ö, fa'auri niha mbanua ba ngawalö gamuata nifalua si mane famalua falöŵa, famazökhi omo, fame'e ono nihalö, ba lafalua ia molo'ö goi-goi si no lafatö'ö ira satua ba Wondrakö zi Lima Ina.

  1. 1 2 BPS Kabupaten Nias Barat (2020), Kecamatan Moroo Dalam Angka 2020, nga'örö 36.
  2. ↑ Peraturan Menteri Dalam Negeri No.72 Tahun 2019 Archived 2021-01-12 at the Wayback Machine (PDF), Kementerian Dalam Negeri, nga'örö 562. ((Li Indonesia))
  3. ↑ Kecamatan Moro'ö Dalam Angka, Tahun 2020, nga'örö 6
  4. ↑ ibid, nga'örö 25
  5. ↑ ibid, nga'örö 34


Tehalö moroi ba "https://nia.wikipedia.org/w/index.php?title=Onozalukhuyöu&oldid=26741"