Ae ba nösi

Molö ba Bali 2025

Nönö khai-khai
Moroi ba Wikipedia

Molö ba Bali 2025, molö salua ba Provinsi Bali, Indonesia. Molö andre alua ia me ilau teu toho sabölö-bölö sibai i'otarai ba zibongi hari Selasa (9 September 2025) ofeta sihulöwongi hari Rabu (10 September 2025).[1] Molo'ö turia nifa'ema wa so 14 niha sondröi ulidanö moroi ba zalua andre.

Me hari Selasa ba zi bongi 9 September ba sihulöwongi Rabu 10 September, ilau teu toho sabölö-bölö sibai simöi börö wa'atohare molö. Ba zi haugö nahia nitörö molö ya'ia da'ö Kota Denpasar, Kabupaten Jembrana, Kabupaten Gianyar, Kabupaten Klungkung, Kabupaten Badung, faoma Kabupaten Tabanan.[2] Famareta Provinsi (Pemprov) Bali la halö data, so 120 titik ma nahia wa'alua molö andre ba Kota Denpasar ba hiza so dombua nahia fondrege zitekiko ba wa'alua molö da'a, ya'ia da'ö ba zifasui fasa Badung simanö göi ba zi sandrohu nuo nidanö Badung faoma ba lala Pura Demak.[3] Baero da'ö, so dombua toko zamawa nukha si so ba lala Sulawesi adudu börö wa'abölö molö ba nuo nidanö Badung.[4] Kepala Badan Nasional Penanggulangan Bencana (BNPB) Letjen TNI Suharyanto ifa'ema wa famareta Provinsi Bali la osaraö wame'e angombakhata wa Bali Tanggap Darurat Bencana ofeta samigu fönada moroi ba wa'alua molö andre.[5]

Niha si göna molö (Korban)

[bulö'ö | bulö’ö kode]
Niha sondröi ulidanö molo'ö nahia
Banua Simate (sitaya)
Kota Denpasar 8 (2)
Kabupaten Gianyar 3
Kabupaten Jembrana 2
Kabupaten Badung 1
Total 14 (2)

Badan Nasional Penanggulangan Bencana (BNPB) molo'ö si no la rugi tanö ba naha zalua molö andre, so 14 niha zondröi ulidanö,[6] darua niha zitaya ba so 202 ngambatö ma 620 niha zigöna molö andre.[7] Ba Kota Denpasar, daŵalu zimate ba darua niha ni'alui.[8] Ba Kabupaten Jembrana, darua zimate, fao ba da'ö samösa zanabina ahani ba molö moroi ba Desa Pengambengan, Kecamatan Negara, Jembrana.[9] Orudua fefu so 103 ngambatö ma 200 niha zigö molö ba da'e. Ba Kabupaten Gianyar, so datölu zimate.[10] Ba Kabupaten Badung, samösa ndra alawe mate me no te'u'u ia bakha ba moto ba ahani ira faoma fo'omoniania iramatua, ba hiza fo'omonia ira matua, tola te'efa'ö.[11]

Molo'ö nisura BPBD Provinsi Bali, so ba zi 562 niha nifasafi, ya'ia da'ö 327 niha ba Kabupaten Jembrana ba 235 niha ba Kota Denpasar. Ngawalö gödo, simane sekola, balai desa, musala faoma banjar la'oguna'ö sabata nahia niha zi göna molö andre.[12]

  1. ↑ Tommy Patrio Sorongan (11 September 2025). "Ramai Media Asing Sorot Banjir Bali, Laporkan Hal Ini Jadi Penyebab". CNBC Indonesia. Mufaigi me 11 September 2025.
  2. ↑ Yefta Christopherus Asia Sanjaya (11 September 2025). "Kata Media Asing soal Banjir Bali: 9 Orang Meninggal, Sebut Bencana Tidak Biasa". Kompas.com. Mufaigi me 11 September 2025.
  3. ↑ Fika Nurul Ulya; Dani Prabowo (11 September 2025). "BNPB Ungkap 120 Titik Banjir di Bali, Paling Banyak di Denpasar". Kompas.com. Mufaigi me 11 September 2025.
  4. ↑ Yacob Billiocta (11 September 2025). "Dua Wilayah Terparah Dampak Banjir Denpasar, Tinggi Air Capai Atap Rumah". Liputan 6. Mufaigi me 11 September 2025.
  5. ↑ "Bali Tanggap Darurat Bencana Banjir Satu Pekan". CNN Indonesia. 11 September 2025. Mufaigi me 11 September 2025.
  6. ↑ "Musibah banjir di Bali mengakibatkan 14 orang meninggal dunia". Antara News. 11 September 2025. Mufaigi me 11 September 2025.
  7. ↑ "Update Banjir Bali: 14 Tewas, 2 Hilang, 562 Warga Mengungsi". CNN Indonesia. 11 September 2025. Mufaigi me 11 September 2025.
  8. ↑ "Data Korban Banjir Denpasar: 2 Ditemukan Tewas, 8 Hilang". Denpasar.Kompas.com. 11 September 2025. Mufaigi me 11 September 2025.
  9. ↑ Lukman Diah Sari (11 September 2025). "Banjir di Jembrana Bali, 2 Warga Meninggal". MetroTvNews. Mufaigi me 11 September 2025.
  10. ↑ "BNPB Ungkap Dampak Banjir Bali: 9 Meninggal, 2 Hilang, Ratusan Mengungsi". Suara.com. 10 September 2025. Mufaigi me 11 September 2025.
  11. ↑ "Fakta-fakta Banjir Bali: 9 Orang Tewas, Status Tanggap Darurat Bencana". Detik.com. 11 September 2025. Mufaigi me 11 September 2025.
  12. ↑ "Update Banjir Bali: 14 Tewas, 2 Hilang, 562 Warga Mengungsi". CNN Indonesia. 11 September 2025. Mufaigi me 11 September 2025.

Templat:Bencana di Indonesia tahun 2025

Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.
Tehalö moroi ba "https://nia.wikipedia.org/w/index.php?title=Molö_ba_Bali_2025&oldid=25695"