Mo'ingo
Mo'ingo, sambua wökhö si tola göna dozi niha, gofu heza so manö misa. Mo'ingo na ba li Indonesia, ya'ia da'ö flu. Na mo'ingo niha, ba i'ohe ba wa'aukhu (demam), ba so göi wa'anumalö ba geha, hewa'ae eha faoma ingo dombua wökhö si fabö'ö dungönia. Mo'ingo andre, tebai la ositengagö me fökhö da'a tola findra ba niha bö'ö simane na bahö, ba ma na lagogohe nikhu. Andrö moguna na niha si no mo'ingo, na tola böi bahö ba zahatö niha, irege lö göna ira ilo. Hada'ö lala ena'ö lö fatöfa wo'ingo, ena'ö aröu moroi ba niha si no göna ya'ia, la'asese'ö wanasai tanga, ba na so ginötö ba lafafareso'ö khö matiri sangila lala wökhö.[1]
Ni rasoi na mo'ingo[bulö'ö | bulö’ö kode]
Mo'ingo no sambua wökhö si no irai göna ba niha, iraono, satua, ira alawe, ira matua, fefu no irai mo'ingo. Ba hiza ba wo'ingo andre, ba so wa alangu dödö zi göna ya'ia börö me so nirasoi ba mboto tanö bö'ö, simane : mofa'aukhu, fazozo nikhu, mo'eha, agafökhö mbu'u-bu'u, mogikhi, afökhö dölö-tölö, afökhö högö, ba mula-mula dödö onali muta. Fefu da'a oi sifao ba wo'ingo. Lala ba wolaŵa ya'ia, molombase ba nomo, la u'u nidanö ba mbawa ba la tura'ö aefa da'ö, oya'ö mamadu idanö sanaukhu-naukhu, na mondri fake nidanö saukhu, fagule zaukhu ba doyo nikhu simane balsem btn, fake dandraya salaŵa, la'a gö si tola manimba fatöfasa fökhö, simane wortel, baŵa, btn, ba tatu manö öbadu dalu-dalu ningo.[2]
Faehuta ningo sito'ölö[bulö'ö | bulö’ö kode]
No sa'ae tenga ni fatunö hewisa wökhö ni'a'asogö dungö Corona ba zi sagörö ulidanö, ngahönö niha si no morasoi fa'afökhö irugi mate, ba ato göi zi no döhö. Mo'ingo hulö arakhagö fagölö ira zalua ba niha si göna tungö corona. Zi lö'ö-lö'önia so tölu dandra sifagölötö alua ba niha si no mo'ingo börö dungö corona ya'ia da'ö:
- mofa'aukhu, aukhu sibai. Na so zofa'aukhu na la su'a wa'aukhunia ita'lui zi 37,8 wa'alaŵania,böi taha, halö ginötö, ae'e khö doto öfafareso'ögö, me ha doto zabölö mangila hadia zalua.
- mo'eha sibohou ba ma eha si no numalö. Na ha eha sito'ölö, ö'ila sa'atö hadia waehutara, na eha andrö lö aetu, ba afökhö högö, tötö'amö, ba tola ikhamö fa sambua za wa'ara mo'eha, aliokö böi radö, ae fafareso'ögö, me no sambua khala-khala zi göna tungö corona da'ö.
- taya wangago hua fao taya raso hada'ia ba lela. Na ba mbalö lelamö lö raso-raso simane sito'ölö, no sambua waö-waö zi göna tungö corona. Hiza he namöi khö doto, ba lö dalu-dalu, ha bawangalösi fa'afökhö si so. Wolaŵa ya'ia la go'ö zi no la fa'ema ira famareta ena'ö asese manasai tanga, mamake balu-balu mbawa (lumbawa) ba mozago otalua.
Na bahö atö hewa'ae ara ginötö wa'abahönia, ba nalö hadöi sifao khönia dandra simanö da'ö yaŵa ba tenga fökhö corona da'ö.[3]
Umbu[bulö'ö | bulö’ö kode]
- ↑ Willy, dr. Tjin (13 Mei 2019). "Pengertian Flu", Alodokter.Com, mufaigi me 12 Pebruari 2021
- ↑ Nurhafifah, Mahardini (17 Januari 2021). "8 Cara Mengatasi Flu dengan Cepat". Kompas.Com, mufaigi me 12 Pebruari 2021
- ↑ Tashandra, Nabilla (18 September 2020). "Cara Membedakan Gejala COVID 19 Dengan Pilek dan Flu biasa". Kesehatan.Kontan.Co.Id, mufaigi me 12 Pebruari 2021