Milo
Milo no töi halöŵö nifalua niha ba Danö Niha meföna na möi ira wamaigi kabu, möi ba gowi ba tanöbö'önia. Laŵa'ö möi milo na möi ira ba kabu ba wangalui soguna. Na möi milo ndra'alawe ba i'ohe khönia wangöna simane bola-bola, si'öli, si'ogowi, awö sandrari (hakhi nohi soköli) ma zui ndrundrunga galitö, ena'ö lafaewua'ö ba naha gowi dania. Na möi milo ndramatua ba sito'ölönia la'ohe mbelewa sebua, endra'i ba bola-bola naha gahulua.
Nifalua ba wemilo
[bulö'ö | bulö’ö kode]Mohalöŵö ba kabu no ohitö dödö sindruhu ba we'amöi milo, ba hiza so göi ngawalö hadia ia bö'ö nifaluara si tobali föfö zoguna, simane na lara'u wofo ba lala we'amöi ba gowi, ma na la'ila so geu soköli ba zinga lala ba lahalö göi da'ö tobali eu galitö, btn. Na ahulu ira ba tobali da'ö nönö-nönö zoguna, heŵa'ae tuho halöŵö khöra ya'ia ba wangohalöŵögöigö gowi ma kabu tanöbö'ö khöra.