Ae ba nösi

Migu Bulu Nohi

Moroi ba Wikipedia
Migu Bulu Nohi
Irugi Yerusalema Yesu nigambaraini Pietro Lorenzetti (1320): itörö galide eluahania tohare ia ba wa'ide-ide dödö ba tenga ba wananadraŵa fasuwöta.[1][2]
Töi bö'öMigu Prapaska Si'önö , Migu Famakao Zo'aya
SamaluaNiha Keriso
Bosifanörötödö me irugi Yerusalema Yesu, nihugö-hugö niha sato; luo siföföna Migu Ni'amoni'ö
NifaluaMöi ba gereja, famahowu'ö ba fombagi bulu nohi, fofanö zato, mamazökhi röfa moroi ba mbulu nohi, manaetagö yaŵa ba nomo mbulu nohi nisöndra moroi ba liturgi Gereja
Baŵafabö'ö-bö'ö ginötönia ero röfi, Luo Migu fatua lö Paska
Döfi 2025
  • April 13 (Barat)
  • April 13 (Timur)
Döfi 2026
  • Maret 29 (Barat)
  • April 5 (Timur)
Döfi 2027
  • Maret 21 (Barat)
  • April 25 (Timur)

Migu Bulu Nohi (li Indonesia; Minggu Palma) no sambua gowasa Niha Keriso nifalua ba luo migu föna gowasa Paska. Mutörötödö ba Migu andre luo me irugi Yerusalema Yesu faoma hugö-hugö niha sato, sambua zalua nitutunö bakha ba zi öfa mbuku Duria Somuso Dödö nifotöi Injil kanonik.[3] Lahalö döi Migu andre moroi ba mbulu zinumbua si hulö mbulu nohi ni'oguna'ö niha sato ba wangowai Yesu Keriso me irugi Yerusalema.

Ba luo Migu Bulu Nohi tebörögö Migu Ni'amoni'ö ba gotalua ndra Niha Keriso; lafotöi Migu Ni'amoni'ö migu safuria ba ginötö Prapaska, heza mutörötödö me tohare Yesu ba Yerusalema, me manga safuria ia ba luo Kami Safusi, me lafakao, laforöfa ba lako'o ia ba luo Zumaha Ni'amoni'ö, ba me maoso ia moroi ba gotalua zimate ba zi bongi Sabtu Ni'amoni'ö,[4][5][6][7] heŵa'ae tebörögö ia faoma fangawalisi ginötö Fuasö ba Famoni ba gotalua Gereja si tefaböbö ba Gereja Timur.[8]

Töla zinumbua soroma hulö ohi, soya tumbu ba Israel ba ba danö si fasui ya'ia

Ba arakhagö fefu hada ndra Niha Keriso, ba luo Migu Bulu Nohi lafahowu'ö ba labagi mbulu nohi (ma zui bulu si fakhili si so ba danö andrö, itaria göi fao ndrania) si tobali fangali mbulu nohi ni'oguna'ö niha sato meföna me tohare Yesu ba Yerusalema. Itaria göi lafalali mbulu nohi andre ba röfa. Ba nahia si lö ohi ma eu si fakhili, la'oguna'ö niha mbulu geu tanöbö'ö.

Ba gereja segebua simane Ortodoks, Katolik, Lutheran, Methodis, Anglikan, btn. lafahowu'ö ba labagi mbulu nohi khö ndra niha samati ba ginötö gowasa liturgi Migu Bulu Nohi. La'ohe mbulu nohi andre ira niha samati ba nomora zamösana, heza lataŵi ia ba mbagolö awö gambara ba röfa si no so khöra. So göi zo lazi'ö ya'ia bakha ba Zura Ni'amoni'ö ma buku fa'alowalangi tanöbö'ö khöra.[9] Döfi fönania la'owuloi zui mbulu nohi andre, latunu, ba awunia la'oguna'ö tobali fanandrai awu ba luo Rabu Awu, ngaluo si föföna ginötö föna Paska.[10][11]


  1. ↑ Matthew 19–28 nisura William David Davies, Dale C. Allison 2004 ISBN 0-567-08375-6 nga'örö 120
  2. ↑ John 12–21 nisura John MacArthur 2008 ISBN 978-0-8024-0824-2 nga'örö 17–18
  3. ↑ Mar 11:1-11, Mat 21:1-11, Luk 19:28-44, ba Yoh 12:12-19.
  4. ↑ Cooper, J.C. (23 October 2013). Dictionary of Christianity. Routledge. hlm. 124. ISBN 9781134265466. Arsip moroi versi asli irugi 5 July 2014. Mufaigi me 25 April 2014. Holy Week. The last week in LENT. It begins on PALM SUNDAY; the fourth day is called SPY WEDNESDAY; the fifth is MAUNDY THURSDAY; the sixth is GOOD FRIDAY; and the last 'Holy Saturday', or the 'Great Sabbath'.
  5. ↑ Brewer, Ebenezer Cobham (1896). The Historic Notebook: With an Appendix of Battles. J. B. Lippincott. hlm. 669. Arsip moroi versi asli irugi 5 July 2014. Mufaigi me 25 April 2014. The last seven days of this period constitute Holy Week. The first day of Holy Week is Palm Sunday, the fourth day is Spy Wednesday, the fifth Maundy Thursday, the sixth Good Friday, and the last Holy Saturday or the Great Sabbath.
  6. ↑ Blackwell, Amy Hackney (2009). Lent, Yom Kippur, and Other Atonement Days (ba li Inggris). Infobase Publishing. hlm. 15–16. ISBN 978-1-4381-2796-5. The last week of Lent is called Holy Week in the Western Churches, and Great and Holy Week in the Eastern. During this week, believers remember the events in the last week of Jesus' life. These include Jesus' entrance into Jerusalem and his suffering on the way to crucifixion, which are sometimes called the "Passion of Jesus Christ," or "Passion of Christ."
  7. ↑ Melton, J. Gordon (13 September 2011). Religious Celebrations: An Encyclopedia of Holidays, Festivals, Solemn Observances, and Spiritual Commemorations [2 volumes] (ba li Inggris). ABC-CLIO. hlm. 527. ISBN 978-1-59884-206-7. Lent (Ash Wednesday through Holy Saturday): The season of Lent begins with Ash Wednesday and lasts until the final Saturday before Easter, Holy Saturday. It includes "Holy Week," the week before Easter. For six weeks preceding Easter, it is a time of penitential prayer, fasting, and almsgiving to prepare for the celebration of the resurrection of Jesus on Easter Sunday. This season of Lent originally was also a time of preparation for baptismal candidates and those separated from the Church who were rejoining the community. Holy Week, the last week of Lent, commemorates the last week of the earthly life of Jesus Christ. It covers the events of his triumphal entry into Jerusalem, the last supper, the arrest, and his death by crucifixion. Beginning with the sixth Sunday of Lent, Holy Week includes Palm Sunday, Spy Wednesday, Maundy Thursday, Good Friday, and Holy Saturday.
  8. ↑ "Overview of Holy Week in the Orthodox Church" (ba li English). Greek Boston. 24 March 2010. Mufaigi me 2 April 2023. Holy Week in the Orthodox Church (for Greeks, Russians and any other nationalities that are Orthodox Christian) takes place in the week after Great Lent and just before Pascha, or Orthodox Easter. The last day of lent is the Saturday of Lazarus, which celebrates when Jesus raised Lazarus from the dead. Holy Week officially begins with Palm Sunday and follows the last week of Christ’s life before His death and resurrection.
  9. ↑ Kirk, Lisa (25 March 2018). "Ideas for Displaying Palm Sunday Palms Around Your Home" (ba li Inggris). Blessed Is She. Mufaigi me 4 April 2020.
  10. ↑ "This Sunday at Grace: February 4, 2018". Grace Episcopal Church (ba li Inggris). 3 February 2018. Arsip moroi versi asli irugi 6 August 2020. Mufaigi me 4 April 2020.
  11. ↑ "Shrove Tuesday" (ba li Inggris). The Times-Reporter. 18 February 2020. Arsip moroi versi asli irugi 6 August 2020. Mufaigi me 4 April 2020.
Tehalö moroi ba "https://nia.wikipedia.org/w/index.php?title=Migu_Bulu_Nohi&oldid=25610"