Mbölihae
Mbölihae
Mbölihae ya'ia da'ö sambua wanunö ma fanari nifalua ngasi mbanua, ngasi nuwu, ngasi dome ba nono niha.[1] falua-lö murugi nahia ba zowatö. Mbölihae mufalua na so wa'omuso dödö simane na so walöwa, owasa, folau-bawi, ba tanöbö'önia.
Lala wamalua Mbölihae[bulö'ö | bulö’ö kode]
Na no arakhagö ofeta dome ba mbalö golayama ba nahia wamalua fa'omuso dödö ma ba nomo zowatö, ya'ira fefu la hadugö/labatogö ira, ba möi föna Gere ma sanutunö mbölihae i-höli imane: “Höli wanguhugö ba tome/uwu/banua si lö-atoto…!” latema sato: “Huu…!”. Awena itutunö mbölihae Ere, ba labuaö göi gahera sato lumalö föna. Ero sandroto wanutunö Gere; ba latema sato “Huu…!!! Bölihae…!” la fagemagema irege larugi golayama zowatö. Ba na no larugi dalu golayama zowatö, ba labatogö ira sato ba ifuli ihöli Ere nomege imane: “Höli wanguhugö ba tome/uwu/banua si lö-atoto…!” latema sato: “Huu…!”.
Duma-duma wanötöi mbölihae:[bulö'ö | bulö’ö kode]
- Fagaölö mbölihae ga'a….. Huu…!!! Bölihae…!
- Ya'ita tome si lö oya-oya….. Huu…!!! Bölihae…!
- Ya'ita tome si lö atoto….. Huu…!!! Bölihae…!
- Hadia gohitö dödö yaŵa gate….. Huu…!!! Bölihae…!
- Hadia gohitö dödö yaŵa mbo….. Huu…!!! Bölihae…!
- Wamasao umönö solemba ba döla-nora… Huu…!!! Bölihae…!
- Yomo ba zowatö ba zonahia….. Huu…!!! Bölihae…!
- Yomo ba zowatö ba zonuza….. Huu…!!! Bölihae…!
- Ae, Umönö fondrege zi tosasa….. Huu…!!! Bölihae…!
- Umönö si no oriri akao….. Huu…!!! Bölihae…!
- Ba tanöbö'önia
Lala wangera-era sifakhai ba wolau Mbolihae molo'ö Hada Laraga[bulö'ö | bulö’ö kode]
Ohitö dödö ba wamalua mbölihae, ya'ia da'ö fangoroma'ö wa'omuso ma fa'owua-wua dödö ba wondrugi nahia ba zowatö (Li Indonesia Ungkapan rasa sukacita dan kegembiraan menghadiri pesta yang dilaksanakan). Folau Mbölihae ba wa'omuso dödö fagölö gunania ma fetaronia ba ngenoli hada simane: folau Maena[1], folau Hoho, folau Hiŵö, folau Wolaya, folau Wanari, folau Olola-mbawi, folau Hendrihendri, ba tanöbö'önia.