Manunö
Manunö, sinunö, sanunö, sanuno, ya'ia sa'ae niha sangila moanunöisi note ma lala wa'alawa ba fa'adogo-dogo sambua lala li. Niha danö niha, fao ba ngolifa niha sangila manunö. No ato zino fao ba ngawalö watandrisa ba wanunö. Manunö, tenga ha asala la anunöisi ia, sibagania ba fao khönia wakake so faogö lala li simane gita, tamburu ni bözi, surune, ba tanö bö'önia.
Ba wanura fehede manunö, sinunö (lagu), sanuno (pemuji) faoma sanunö (penyanyi) ha sitobali fehede sifakhai ba wanunö/manunö. Ba wa'alio tola lasura göi ngawua wehede da'e sambua lala wanura, ya'ia da'ö fehede sinunö, sanuno ba fehede sanunö.
Sinunö[bulö'ö | bulö’ö kode]
Sinunö ni'anunöisi sanunö. Ba zisagörö tanö niha, sinunö no sa'ae tobali sambua famosumange lowalangi, sinunö ba gangowuloa ba gosali. So mbuku zinunö sitobali ngawua zinunö ni'anunöisi na inötö ba ngaluo hari migu. So göi zinunö ni'anunöisi ba zekola wanunö ni'ohe ma ni'anunöisi ba gosali ni'olohesi ndra amada ma ira inada, he göi iraono ma ira sibohou ebua ba wofaduhu'ö ba mbanua niha keriso hewisa wa'omasi lowalangi nifa'emara ba ngawua wehede ba döi zinunö.[1]
Baero zinunö niha danö niha ni oguna'ö ba gosali, ba danö niha göi so zinunö nifotöi lailö. Lailö sito'ölö nia ni'anunöisi ba wa'alio, tenga sino ara so zinunö da'ö. Sito'ölönia lailö ni anunöisi zi samösa niha, ngarö-ngarö dödö ni faema ba zamondrongo. Itaria si falailö ba i tandrösaigö lailönia khö nangi, khö gutu ndru'u simane fofo, ba tanö bö'ö nia.
Sanunö[bulö'ö | bulö’ö kode]
Niha danö niha no ato sa'ae zonekhe manunö. Ba sanunö si so ba danö niha, so zi samösa-mösa, ba no göi so zangahaogö töra moroi ba zisamösa niha. Sino ta'ila sofeta ba tivi, so zotöi FZ sino la'ila sa'ae niha sato hewisa wa'asökhi li nia na manunö ia. No oya tivi zo gaoni ya'ia ba wanofu, hewisa sibai waö-waö wa tola ofeta la'ila ia niha.[2]
Fatua lö si tehöngö dalifusöda FZ, so niha danö niha sino toröi ba danö siyefo, oroma ba tivi sotöi PL ba no sa'ae la'ila niha hewisa wa'asökhi li nia.
Na si so ba danö niha, no sa'ae ato ni'ila da hewisa ndra amada ba talifusöda so kara sinunö ba li niha, ba sambua fa akayo niha khöda da'ö fefu. Sinunö ma si so lala note, so nifotöi göi maena, sasese ni anunöisi na so zangowalu.
Lailö[bulö'ö | bulö’ö kode]
Simane sino ta baso moroi yawa ba ta'ila wa so zi to'ölö lalau ya'ira ono niha. Falailö. Na memböröta lailö, falailö, ni'anunöisi sitobali fangarö-ngaröu ba dödö ma hulö ngenu-ngenu. Ba meno sa'ae monönö wangi'ila ba lailö nomöi sitobali folohe ma fangambokha zi sambua angolifa. Lalilö ma sinunö no tobali fakake ba wama'ema hadia zinangea nifatunö ba niha sato. Ira niha danö niha si so ba danö wangarato, ato zino mangodödö ba wangahaogö sambua angowuloa zekola wanunö ba no oya zino manga'i bagia ba wo fanöi lala halöwö ba gangowuloa da'ö. No asese lalau watandrisa ba wanunö. Töi gangowuloa da'ö ya'ia OWO VOICE NIAS(OVN) sino asese molohe töi danö niha föna niha sato. Hiza, tenga ha ya'ira, oya nasa gangowuloa zanunö tanö bö'ö, arakhagö dozi osali, ba so gangowuloa zekola wanunö.[3]
Fakake nifake ba wanunö[bulö'ö | bulö’ö kode]
Ba zinunö ba danö niha, na sinunö solohe töi danö niha ma sinunö sanandrösa ba hulo danö niha , ya'ia zangoguna'ö fakake simane : faritia, aramba (göndra), surune, doli-doli, laegi, torofe, ba tanö bö'ö nia. Oi fakake da'a ni oguna'ö ba wo anunöisi sinunö li niha. Meno sa'ae oya wangi'ila, ba no todege ba wangoguna'ö fakake ni'oguna'ö. No sa'ae so simane gita, fiano, ba simane kibo sa'ae no sambua fa'arami ba danö niha ia'da'a, ero so gangowuloa ba kibo lö zilö la kaoni ba wo ramekö angowuloa andrö.
Umbu[bulö'ö | bulö’ö kode]
< references />
- ↑ "Aplikasi Buku Zinuno BNKP Online". Arsip moroi versi asli irugi 2021-12-28. Mufaigi me 2020-10-08.
- ↑ NKRI Post (19 Juni 2019). "Frengky Zega Penyanyi Cilik Asal Nias Datang di Hitam Putih Deddy Corbuzier" Archived 2020-10-12 at the Wayback Machine.
- ↑ Detikexpose.com (11 Juli 2019). "Pengabdian Tulus Owo Voice Nias Dan Pembangunan Terpadu Kebudayaan Kepulauan Nias".