Mangoroma'ö beto

Moroi ba Wikipedia


Mangoroma'ö beto, sambua lala hada ba Danö Niha fetaro lala goi-goi ma amakhoita hada zi lima ina ba wondrakö Moro'ö, ba gaekhula (Nias Barat). No sökhi sibai tesura zura andre ba wame'e turia ba zi bohou ebua ba wanohugö lala hada sino la fakhoi ira satua meföna. Nano aefa sa'ae alua wongambatösa ba wetaro hada ba mbanua ba gaekhula, hiza no sa'ae ba wenaeta fongambatösa si darua niha sino la'osara'ö si faudu ba hada, ugamo, famareta sino tefalua. Bosi-bosi hada no oi latörö, heŵa'ae aboto ba dödö nono niha wa hönö mböwö no awai, ba hönö mböwö no tosai. So ngambatö, ba irugi manuge khöra niha (la adogo-dogo'ö wanötöi ya'ia lamane : manabina), ba la'osara'ö we amöi ba khöndra satua nono alawe ba wangandrö howu-howu, ni fotöira : mangoroma'ö beto. Amonita na ba dalu nidanö so niha, ba oya manö zi lö tola lö'ö la falua. La henagö ginötöra, ba simanö göi ngawalö lala nitörö sitobali noro dangara we amöi ba wangoroma'ö beto.

Hana wa mangoroma'ö beto[bulö'ö | bulö’ö kode]

Högö wenaeta zura andre, hulö na fehede fanofu ia. Hana wa mangoroma'ö beto ira? Fanema li da'ö, ya'ia sa'ae meno i fahowu'ö wongambatöra So'aya ba no manuge khöra niha, ba umunöra si falemba khöra no i tolo sokhö, fa a manuge niha, tenga moroi ba ndra matua bö'ö. Hiza no fongambatö sihasara dödö zatua ba nifahowu'ö zokhö. Sitobali fangandrö saohagölö khö Zo'aya ba möi ira ba nomo zatua.

Hadia ni ohera[bulö'ö | bulö’ö kode]

Ba we amöi ba wangoroma'ö beto, simane sito'ölö ba hada Danö Niha, la'ohe löwö-löwö, ba tenga ha da'ö, lamane-mane ba Danö Niha, fasumangeta ba zitenga bö'ö, sara auri ba sara mate, eluaha nia so nidöni ba so göi zasoso sino la ehaogö ira satua ena'ö faoma si sökhi ba wamaehagö fasumangeta andrö.

Hadia masi-masi zatua[bulö'ö | bulö’ö kode]

Lö tebulö hada nono niha, wa satua lö aetu wa'omasira khö nonora ono alawe ba umönöra, nano awai mangandrö howu-howu ira, ba tola manö tefalua khöra wanefe idanö, ba hiza nano awai fefu lala halöŵö wangoroma beto nifaluara, ba manambua dangara ba ngawalö masi-masi ndra satua, hulö zimane ni fa'ema moroi yaŵa ba zura da'e, sara auri ba sara mate, baero manu zifaraewe khöra ba wangawulira.