Mangandrö li

Moroi ba Wikipedia

Mangandrö li, sambua lala halöŵö ba wamakhai fatalifusöta si dombua ngambatö ba danö niha, sanga'i niha ba same'e niha. Lala halöŵö mangandrö li, ya'ia sa'ae nano aefa ba mbosi moroi tou, simane, famaigi niha, fame laeduru, fanunu manu, ba mangötö bongi. Ba gotalua ginötö da'ö fatua lö la o'ozui ba wa'owulo ba wangötö bongi, ba hiza owulo dome ma moroi ba ngambatö nono matua, ba wangosara we'amöi ba wangandrö li khö zatua nono alawe, satua hada zowatö. Ba wangandrö li, lafaehagö ha wa'abölöra ba wanga'asogö soguna ba zima'ö-ma'ökhö ba ginötö dania sino latatugöi ba wangötö bongi. Ba wa'owulo da'ö, ba la söndra nösi dödö zatua zowatö saetu ba wa hasaradödö. Mangandrö li ma fangandrö li, so goi zilö aetula ma angetula ba zi samuza fa'afalukha, owulo ba zi hauga kali, amena dania la osara'ö zöndra ba aekhula nia tesöndra nösi dödö si tola la onoro moroi ba dome.