Laŵaendröna

Laŵaendröna ba Danö Niha ya'ia da'ö no samösa niha si so ba manö-manö nidunö-dunö ndra satua föna sitola tabaso ba mbuku nifa'anö Thomsen. Asese göi labe'e döinia Laŵaendröna Baho Dema mazui Lawaendröna Defaoso. Fo'omonia sotoi Siŵaria nibe'e töi Siŵaria Lakha Zi Hönö ma Siŵaria Lakha Zato. . Samuza luo, alangu-langu dödö Laŵaendröna. Abu dödönia me ero-ero irongo ba i'ila niha a'oi mate. Ba manofu-manofu dödönia hadia so nahia si lögöna fa'amate? Lö omasi Laŵaendröna na irugi ia fa'amate. Ba hiza, ilau mukoli, itöröi gulidanö. Isofu ba gara, isofu ba geu, isofu ba nasi, isofu ba hili, hezo so nahia silö fa'amate? Ba samösa lö si tola manema linia. Andrö dania möi ia ba mbaŵa. Ba hiza no isöndra, wa mbaŵa nahia si lö fa'amate. Hadia aoha khö Laŵaendröna afu lö mate ia? Löfao dödö Ziŵaria na mofanö Laŵaendröna isaŵa mbaŵa.