Kurusi Plastik
Kurusi Plastik (li Inggris: monobloc (chair)) no kurusi nifazökhi moroi ba plastik sondrugi Tanö Niha i'otarai gangahorita ngafulu ndröfia si-90. Lafotöi ia "ni'osamuzagö fomböi" (li Inggris: monobloc, eluahania sandroto), börö me lafazökhi ia moroi ba plastik nifotöi "Polypropylen" nifangulu ba galitö (la'aukhuni ia irugi 220 derajat Celsius) ba ni'osamuzagö fanguwagö bakha ba mala si no muhönagö.[1] Börö me ni'osamuzagö fomböi, no oi fakhai ia fefu, lö ndroto-ndrotonia ba börö da'ö lö moguna gosö-osö ba wamakhai ya'ia. Baero da'ö aoha sibai ia me moroi ba plastik, lö obou, ba lö oya ihalö nahia me tola lafalaete ia miyaŵa ba wangirö'ö ya'ia. Inönö nasa wa tola lafuli lawöwöi ia tobali gama-gama bö'ö na lö la'oguna'ö ia sa'ae (li Indonesia: daur ulang).[2]
Alio muzawili gurusi plastik andre ba zi sagörö ulidanö börö me lö laba'agö khö niha bö'ö wamazökhi ya'ia (li Indonesia: tidak dilindungi hak cipta).[3] Molo'ö fangerai ndra sogonekhe, no kurusi fondrege oya mufamawa ba gulidanö gurusi plastik andre.[4][5]
Waö-Waö
[bulö'ö | bulö’ö kode]
Isöndra wamazökhi kurusi plastik andre insinyur Perancis sotöi Henry Massonnet moroi ba Nurieux-Volognat me 1972, me ifazökhi gurusi nifotöinia "Fauteuil 300",[6][7] si no tobali duma-duma si föföna sibai gurusi plastik andrö, si to'ölö lafotöi "prototipe".[8] Ba wamazökhi kurusi andre, no itoloni ia awönia Pierre Paulin, sonekhe-nekhe ba wamazökhi kurusi.[4]
Ba mböröta ebua sibai mböli gurusi plastik andre, 300 Franc (kefe Perancis), irege mo'amböta niha sedöna mowöli ya'ia. Bahiza iforege wangalui lala ena'ö itugu ide-ide mbölinia Massonnet. Mowua wangeregesi tödö khönia, irege ba zi dua menit tola i'awalisi wamazökhi sambua gurusi. Duma-dumania me 2022 tola mufazökhi 1.500 kurusi ba zi ma'ökhö, ba ha moguna i'otarai 1,7 irugi 3,5 kg "materi" khönia. Iada'a böli fefu "materi" ba "halöŵö" ba wamazökhi sambua gurusi andre ha 3,5 Dollar Amerika.[9] Da'a zame'e wa alio muzawili gurusi plastik andre ba zi sagörö ulidanö.[2][4] Ba Italia manö, mufazökhi töra fulu juta kurusi ero röfi.
Baero gurusi plastik niwöwöi Massonnet andre, sindruhunia no itandraigö wamazökhi kurusi si ha sandroto andre D.C. Simpson moroi ba Kanada me 1946.[10] Bahiza awena dania tola oya ifazökhi ia me ngafulu ndröfia si-70, me no sa'ae oya ifazökhi khönia Massonnet. Tumbu ba dödö Simpson wamazökhi gurusi sandroto aefa i'ila "desain" gurusi nifazökhi Joe Colombo sotöi "Chair Universal 4867" moroi ba ndröfi 1965.[11][12]
Umbu
[bulö'ö | bulö’ö kode]- ↑ Gosnell, Mariana (July 2004). "Everybody Take A Seat". Smithsonian.
- 1 2 Hauke Wendler (2022). Monobloc. Berlin: Hatje Cantz. ISBN 978-3-7757-5187-2.
- ↑ Hauke Wendler im Gespräch mit Gesa Ufer (2021-05-06). "Dokumentarfilm "Monobloc" - Ein billiger Plastikstuhl erobert die Welt". Deutschlandfunk Kultur. Mufaigi me 2021-05-07.
- 1 2 3 "Monobloc der meistgehasste Stuhl der Welt". 2017-05-04. Mufaigi me 2019-11-05.
- ↑ "Is This the World's Most Famous Chair?". TreeHugger. Mufaigi me 2017-06-11.
- ↑ Monobloc – Ein Stuhl für die Welt, sanandrösa ba "pameran" ba Vitra Design Museum nisura yaŵa ba mbolokha gu'ö museum.
- ↑ Der Allgegenwärtige ba Frankfurter Allgemeine Sonntagszeitung, 30/04/2017, nga'örö 53
- ↑ "Sie haben einen Designklassiker in Ihrem Garten stehen". 2017-03-14. Arsip moroi versi asli irugi 2019-11-05. Mufaigi me 2019-11-05.
- ↑ "Those White Plastic Chairs – The Monobloc and the Context-Free Object | … My heart's in Accra". Ethan Zuckerman. Mufaigi me 23 February 2020.
The Monobloc is one of the few objects I can think of that is free of any specific context. Seeing a white plastic chair in a photograph offers you no clues about where or when you are.
- ↑ Rashid, Karim. "A brief history of the humble plastic chair". CNN. Mufaigi me 2016-12-27.
- ↑ Suzdaltsev, Jules (28 January 2015). "White Plastic Chairs Are Taking Over the World". VICE (ba li Inggris). Mufaigi me 10 June 2018.
- ↑ "Monobloc Chair: Joe Colombo and Vico Magistretti". Chairblog.eu. 27 December 2011. Mufaigi me 10 June 2018.