Joint Declaration Sino-Hagöri

Moroi ba Wikipedia
Ae ba navigasi Ae ba wangalui

Joint Declaration Sino-Hagöri ya’ia da’ö sambua gangetula nihalö negara Sina faoma Hagöri manandrösa ba wamuli Hong Kong ba danga Sina. Tefazökhi ia ba ndröfi 1984 aefa ŵa’oya rafe nifalua i’otarai döfi 1982. Ösi nia ya’ia da’ö tefalua lala wamareta si to’ölö ba danö Hong Kong nilau wamareta Hagöri irugi lima ŵulu fakhe aefa dania aefa ifuli mokuaso Sina i’otarai döfi 1997.[1]

Famazökhi[bulö'ö | bulö’ö kode]

Ba ginötö rafe fama’anö famuli Hong Kong ba danga Sina me döfi 1982, ifa’ema mbua wangerangera nia Deng Xiaoping, samösa nifosumange ba Sina. So nifotöi ‘1 negara 2 lala wamareta’. Oya huhuo nihalö ba ŵoraka ia, irugi ba döfi 1984 tefazökhi Joint Declaration. Ösi nia ya’ia da’ö tefalua lala wamareta si to’ölö ba danö Hong Kong irugi lima ŵulu fakhe aefa dania aefa ifuli mokuaso Sina i’otarai döfi 1997.[2]

Ösi[bulö'ö | bulö’ö kode]

Ifabu’u Sina wa lö tebulö lala wamareta si no to’ölö ba Hong Kong simane famalua huku, fa’ateboka fasa, aŵö fa’a’aefa si so khönia, fa’atola oŵulo orahu niha, mama’ema ösi geraerara, irugi fanehegö famati niha zamösana.[2]

Fanema’ö[bulö'ö | bulö’ö kode]

Lamane niha sato ŵa no tobali lala ŵamokai demokrasi ba mbanua Hong Kong da’a. Hiza i, so ŵa’ata’u ba gotalua sohalöwö ba wamareta Hagöri ŵa dania lö i’o’ö bu’usa li nia Sina.[3]

Famalua[bulö'ö | bulö’ö kode]

Ibörögö alua si lö ami aefa hauga ŵawa famazökhi gangetula. Lö omasi Sina tefaogö ndra salawa ba wamareta Hong Kong fao ba huhuo fama’anö famuli kuaso. Lamane, ha tengetenge moroi ba Hagöri faoma Sina manö sedöna falukha ba ŵamatunö hadia ia soguna. So khöra ŵanguma’ö ‘dombua ahe baga, tolu ahe lö fagöna’. Omasi göi ira lafalua kuaso ba lala foliti Hong Kong, he ŵa’ai lö na’i ikhamö döfi 1997.[4]

Gohe-gohe[bulö'ö | bulö’ö kode]

  1. UNTC, "Joint Declaration on the question of Hong Kong".
  2. 2.0 2.1 Patten, Christopher (1998). East and West: The Last Governor of Hong Kong on Power Freedom and the Future. New York: Times Books. ISBN 0-8129-3000-2. Nga'örö 20 (ba Li Hagöri)
  3. Patten, Christopher (1998). Nga'örö 21-22
  4. Patten, Christopher (1998). Nga'örö 23-24