Faosa Era

Faosa Era (töi ilmiah khönia Myiasis ma miasis) no ngawalö wökhö ba guli same'e abao guli irege oroma hulö waosa, ba na no ha'uga ngaluo möi baero khönia gulö-ulö si hulö era. Samobörö faosa andre no ngawalö ndri laöhö nifotöi Dermatobia hominis (li Indonesia: Lalat liang), sangusu niha ma zui aurifö bö'ö ba wananö adulonia barö guli, börö me ha tola mamoto gadulonia barö guli zauri bö'ö. Aboto gadulo andrö dania ba möi baero gera, situgu manöi irege irugi inötönia, iboto waosa andrö ba iröi, tobali ia ndri laöhö si tola muhombo.

Fökhö andre no oi fabö'ö-bö'ö oroma ia ba guli, dani spesies ndri laöhö samobörö ya'ia. So ndri laöhö sangadulo ba zokho si no so, ba so göi zangusu uli ba wananö adulonia. Ba itaria na'i möi ia bakha ba mboto sanörö tögi nikhu, fiso ma zui bawa.^[1] Itaria göi möi ia bakha ba mboto me labadu nidanö sataha niha.

Tandra-tandra

Fökhö andre tola i'onahiagö gofu heza: uli, hörö, fiso, talu, btn. ^[2] No na'i alua wa tesöndra ia barö waha niha (fa'alawe ma famatua niha).^[3]

Faosa andre taraso afökhö ba ali-ali. Na no teboka mbawa waosa ba tola göna nifotöi infeksi, ya'ia na mamaukhu dungö ite (bakteria) ba zokho andrö, same'e tobali abölö-bölö wökhö. Na göna infeksi ba tola abölö-abölö ia ba itaria ibe'e mate niha.^[4] Bahiza na lö göna infeksi, lö tola mate niha ba Waosa Era.

Ba gaurifö

Tenga ha niha zi tola göna fökhö andre. Tola göi göna gaurifö bö'ö simane mao, asu, nambi, btn.

Galeri foto

Era si tumbu bakha ba waosa, sedöna tobali ndri
Ndri laöhö situmbu moroi ba Waosa Era
Faosa Era ba galisi samösa niha
Faosa Era ba niha sigöna fökhö gulo. No manganga waosa irege oroma oya gera bakha
Faosa Era ba gatu'i niha
Faosa Ere ba mbagi mao

Umbu

↑ John, David; Petri, William, eds. (2006). Markell and Voge's Medical Parasitology (9th ed.). Missouri: Saunders Elsevier. pp. 328–334. ISBN 978-0-7216-4793-7.
↑ Ockenhouse, Christian F.; Samlaska, Curt P.; Benson, Paul M.; Roberts, Lyman W.; Eliasson, Arn; Malane, Susan; Menich, Mark D. (1990). Cutaneous myiasis caused by the African tumbu fly (Cordylobia anthropophaga). Archives of Dermatology. 126 (2): 199–202.
↑ Gupta, Sanjeev; Kataria, Usha; Siwach, Sunita (2013). Myiasis in female external genitalia. Indian Journal of Sexually Transmitted Diseases and AIDS. 34 (2): 129–131.
↑ Hall, M.J.R. (1997). "Traumatic myiasis of sheep in Europe: a review". Parassitologia. 39: 409–413.

[1] John, David; Petri, William, eds. (2006). Markell and Voge's Medical Parasitology (9th ed.). Missouri: Saunders Elsevier. pp. 328–334. ISBN 978-0-7216-4793-7.

[2] Ockenhouse, Christian F.; Samlaska, Curt P.; Benson, Paul M.; Roberts, Lyman W.; Eliasson, Arn; Malane, Susan; Menich, Mark D. (1990). Cutaneous myiasis caused by the African tumbu fly (Cordylobia anthropophaga). Archives of Dermatology. 126 (2): 199–202.

[3] Gupta, Sanjeev; Kataria, Usha; Siwach, Sunita (2013). Myiasis in female external genitalia. Indian Journal of Sexually Transmitted Diseases and AIDS. 34 (2): 129–131.

[4] Hall, M.J.R. (1997). "Traumatic myiasis of sheep in Europe: a review". Parassitologia. 39: 409–413.

[1]

[2]

[3]

[4]