Fana Lewuö

Moroi ba Wikipedia
Famohola fana lewuö nilau ndra niha ba mbanua Gorontalo

Famohola fana lewuö ma fana maria ya'ia da'ö si to'ölö nilau niha ba wanörö tödö sambua ngaluo si sökhi. Alua ia i'otarai meföna irugi ma'ökhö, hewa'ae famalua ya'ia no itugu alö. Na no baŵa si felezara, ba iraono sihino döla ba zisambua banua, lalau mangalui lewuö sesolo ba wo henagö fa'omuso dödö ba mbawa si felendru, ba wanunu fandru faoma döfi sibohou. Fana lewuö da'a tenga ha ba danö niha, so göi badanö tanö bö'ö, simane ba mbanua ba Zawa (Jawa Barat, Ciamis latötöi döinia lodong). Da'a lafalua na ahatö hari rayo, ba lafaigi göi zilö anigo niha wamondrongo, simane ba ngai laza bada'ö lafohola wana lewuö da'ö khöra.[1]

Fama'anö[bulö'ö | bulö’ö kode]

Lewuö, nihalö ba ndru'u, la heta gumo, ba latoto ndraha-ndrahania. Nano aefa da'ö ba la tutu mbu'u-bu'u ena'ö fefu ndroto-ndroto nia tola itörö angi. Aefa la haogö ba no sa'ae tola ni fake, ba hiza ba mbu'u-mbu'u tanö sitou, laröi lö latutu ba lafotögi maifu ba wo'ungugö dudunga dania ba wanikha ena'ö mamoka wana andrö. Fana Lewuö simane ba danö niha, fangahaogö ya'ia fagölö göi simane fangahaögö ba mbanua tanö bö'ö, lö sifabö'ö.[2]

Fana lewuö ma fana maria andre, ba lewuönia tenga lewuö side-ide simane lewuö ta'uli, ha lewuö sesolo sitola baga labali'ö fana lewuö ma fana maria, ya'ia sa'ae lewöu hao, tola göi gauko/kauko, ba sibagania lewuö si no atua, ena'ö lö alio asila ma aboto.

Ngawalö Lewuö[bulö'ö | bulö’ö kode]

Ba Danö Niha, lewuö andre auri ba kabu niha, tenga nitanö. Lewuö oya ngawalönia, simane lewuö ta'uli, lewuö kauko/gauko, lewuö hao, lewuö sa'usö,lewuö guru, ba so lewuö nitanö föna nomo ya'ia nifotöi lewuö sina sasese tobali naha wangokhoi'ö hada'ia föna nomo.

Fana lewuö ba mbanua-banua[bulö'ö | bulö’ö kode]

Fana lewuö ma fana maria ba Danö Niha, no fagölö ira wana lewuö ba mbanua tanö bö'ö, fagölö-gölö sambua famalua famaisa si no taradisi ma i'otorai ndra tuada mege,simane ba danö Ciamis lawa'ö lodong, ba mbanua Pangkal Pinang lakaoni bedil bambu, ba Jawa Timur ba Jawa Tengah lakaoni mercon bumbung ma long bumbung, fabö'ö göi ba mbanua Minangkabau bada'ö latötöi wana lewuö andre badia batuang ma meriam betung, ba Aceh lawa'ö te`t beude trieng, ba mbanua Sunda lakaoni bebeledugan. Ba oya nasa ba mbanua tanö bö'ö wogaoni fana lewuö andre.[3]

Umbu[bulö'ö | bulö’ö kode]

  1. Hermansyah,Dadang (18 Mei 2019). "Sekelompok Pemuda Ciamis Masih Lestarikan Permainan Meriam Bambu." detikNews
  2. Ridlo,Muhamada (2 Juni 2018). "Duar!! Serunya Perang Meriam Bambu pada Malam Nuzulul Quran di Cilacap" Liputan6.com
  3. Matakota (14 Juni 2018). "Serba-Serbi Meriam Bambu di Nusantara" Archived 2020-04-01 at the Wayback Machine