Fagaragazi

Moroi ba Wikipedia

Ba danö niha, i'otarai meföna ba oi no la'ila niha hewisa lala wangoguna'ö ngawalö sinumbua ma sinanö si so ba kabu. So ni tanö ba wanga'i bua, ba so nitanö sitobali soguna ba wangahaogö omo. Fatöu lö nasa oi mangila fakake ba wolobö, fanila, eu niha ba danö niha mangoguna'ö fakake sito'ölö ya'ia da'ö garagazi. Garagazi andre, anau mato samete amatonga wa'anau nia, ba no lafodanga, ba mbalö faföfö, amena danö faoma la gogohe, ba la fangörö ba geu sedöna ni garagazini.

Eu nigaragazini[bulö'ö | bulö’ö kode]

Ba mbanua ba danö niha, oya geu sabe'e sitola ni'oguna'ö ba zoguna ba wangahaogö omo. Töi geu nia simane : simalambuo, afoa, afasi, itölio, ba eu ndru'u tanö bö'ö. Ba ginötö safuria andre, niha ato zamake töla ndruria ni bali'ö fafa faoma toga.

Lala wogaragazini[bulö'ö | bulö’ö kode]

Nano la'obö geu, ba latutusi mbulu ba dahania, aefa da'ö la gukhui, la fatörö khönia mete, ha wa anau wafa sedöna la garagazini. Aefa da'ö lahaogö döla-döla naha garagazi, lafaigi naere-naere ena'ö lö marase ira wamasindro naha nia. Na no awai naha wo garagazi, amena, eu nigukhui no mege la be'e yaŵa, ba samösa tou ba samösa ziso yaŵa, faoma la fangörö garagazi irege asila geu andrö ba tobali bagolö. Ba danö niha, fagaragazi no sambua lala halöŵö me lö dozi niha mangokhögö garagazi irege meluo da'ö fagaragazi sambua halöŵö si lö dozi oi la'ila niha, irege mamadöna wa'amoguna.

No so Seso[bulö'ö | bulö’ö kode]

Iada'a meno sa'ae tedou niha ba wamaha'ö ba no laleke'ö wakake garagazi andre ena'ö aoha ba niha. Andrö wa lahaogö wamaedo nia ya'ia da'ö seso irege lö sa'ae oya ginötö ni'oguna'ö ba wanila fafa soya, me alio wanaba ba fanila ya'ia, niha hatö so lolohe, me fa'abölö wanila tenga fa'abölö si'onarai niha, fa'abölö mesin.